ନିର୍ବାଚନ ଆଚରଣ ବିଧି ଲାଗୁ ପରେ ବି ବ୍ୟାନର୍ ଓ ହୋର୍ଡ଼ିଂ ହଟାଯାଉନି
ରାଇରଙ୍ଗପୁର: ୨୦୨୪ ସାଧାରଣ ନିର୍ବାଚନ ପାଇଁ ମୁଖ୍ୟ ନିର୍ବାଚନ କମିସନର୍ ଗତକାଲି ତାରିଖ ଘୋଷଣା ହୋଇଥିଲେ ମଧ୍ୟ ରାଇରଙ୍ଗପୁର ନିର୍ବାଚନ ମଣ୍ଡଳୀର ବିଭିନ୍ ଅଂଚଳରୁ ବ୍ୟାନର୍ ଓ ହୋର୍ଡ଼ିଂ ହଟାଯାଉନଥିବା ଦେଖିବାକୁ ମିଳୁଛି । ନିୟମ ଅନୁଯାୟୀ ରାଇରଙ୍ଗପୁର ସହରାଂଚଳ ମଧ୍ୟରେ ଥିବା ବିଭିନ୍ନ ସରକାରୀ,ବେସରକାରୀ ସଂସ୍ଥା କାର୍ଯ୍ୟାଳୟ ଓ ବଜାର ମଧ୍ୟରେ ଥିବା ବିଭିନ୍ନ ସ୍ଥାନରେ ଲାଗିଥିବା ଦଳୀୟ ହୋର୍ଡ଼ିଂ, ବ୍ୟାନର୍ ଓ ପୋଷ୍ଟର୍ ହଟାଯାଉଥିବା ବେଳେ ଅନ୍ୟ ବ୍ଲକର ବିଭିନ୍ନ ସ୍ଥାନରେ ଲାଗିଥିବା ବ୍ୟାନର୍ ଓ ହୋର୍ଡ଼ିଂ ଲାଗିରହିଥିବା ଦେଖିବାକୁ ମିଳୁଛି ।
Sambad is now on WhatsApp
Join and get latest news updates delivered to you via WhatsApp
ରାଇରଙ୍ଗପୁର ନିର୍ବାଚନ ମଣ୍ଡଳୀର ରାଇରଙ୍ଗପୁର ବ୍ଲକର ପୁରୁଣାପାଣି ମୁଖ୍ୟରାସ୍ତାରେ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା ହୋର୍ଡ଼ିଂ,ପଂଚାୟତ ସମ୍ମୁଖ୍ୟରେ ମମତା ଯୋଜନା ହୋର୍ଡ଼ିଂ, ଗମ୍ଭାରିଆ ପଂଚାୟତ ପାର୍ଶ୍ୱରେ ପ୍ରଧାନମନ୍ତ୍ରୀ କିସାନ ସମୃଦ୍ଧି କେନ୍ଦ୍ରରେ ହୋଡିଂ, ଗମ୍ଭାରିଆ ପଂଚାୟତରେ ବିଦୁ୍ୟତ୍ ବିଭାଗର ବ୍ୟାନର୍ ଓ ବସୁଧା ଯୋଜନାର ବ୍ୟାନର, ବାସିଙ୍ଗୀ ଉପସ୍ୱାସ୍ଥ୍ୟ କେନ୍ଦ୍ରରେ ମମତା ଯୋଜନାର ହୋର୍ଡ଼ିଂ ସମେତ ଅନ୍ୟ ପଂଚାୟତର ବିଭିନ୍ ଅଂଚଳରେ ବ୍ୟାନର୍ ଓ ହୋର୍ଡ଼ିଂ ବର୍ତ୍ତମାନ ସୁଦ୍ଧା ଲାଗି ରହିଥିବା ଦେଖିବାକୁ ମିଳିଛି । ତେବେ ରାଇରଙ୍ଗପୁର ନିର୍ବାଚନ ମଣ୍ଡଳୀର ବିଭିନ୍ନ ସ୍ଥାନରୁ ବ୍ୟାନର୍ ଓ ହୋର୍ଡ଼ିଂ କେବେ ହଟାଯାଉଛି ତାହା ଦେଖିବାକୁ ବାକି ରହିଲା ।