ପ୍ରେମିକାମାନଙ୍କ ନମ୍ବରକୁ ‘ବ୍ୟାଟେରୀ ଲୋ’ ନାମରେ ସେଭ କରୁଥିଲେ ରଣବୀର
ମୁମ୍ବାଇ: ବଲିଉଡର ପ୍ରମୁଖ କଳାକାରମାନଙ୍କ ମଧ୍ୟରେ ରଣବୀର କପୁରଙ୍କ ନାମ ରହିଛି | ରଣବୀର ବର୍ତ୍ତମାନ ଯଦିଓ ବିବାହିତ , କିନ୍ତୁ ଦିନେ ଏମିତି ଏକ ସମୟ ଥିଲା ଯେତେବେଳେ ତାଙ୍କ ନାମ ଇଣ୍ଡଷ୍ଟ୍ରିର ଅନେକ ହିରୋଇନଙ୍କ ସହ ଯୋଡାଯାଉଥିଲା | ଆପଣ ଜାଣନ୍ତି କି ଥରେ ରଣବୀର ଏକାଥରକେ ଅନେକ ଗାର୍ଲଫ୍ରେଣ୍ଡ ରଖିବାର କୌଶଳ ମଧ୍ୟ କହିଥିଲେ | ଆଲିଆ ଭଟ୍ଟଙ୍କୁ ବିବାହ କରିବା ପୂର୍ବରୁ ସେ ଅନେକ ଯୁବତୀଙ୍କୁ ଡେଟ କରିଥିଲେ। ଥରେ କରଣ ଜୋହରଙ୍କ ଚାଟ୍ ସୋ ‘କଫି ଉଇଥ କରନ୍’ ସମୟରେ ରଣବୀର କହିଥିଲେ ଯେ ସେ ଏକାସାଙ୍ଗରେ ଅନେକ ଗର୍ଲଫ୍ରେଣ୍ଡଙ୍କୁ କିପରି ମ୍ୟାନେଜ କରୁଥିଲେ | ଯାହା ଶୁଣି ଆପଣ ଆଶ୍ଚର୍ଯ୍ୟ ହୋଇଯିବେ |
Sambad is now on WhatsApp
Join and get latest news updates delivered to you via WhatsApp
ରଣବୀର କହିଥିଲେ ଯେ ‘ମୁଁ ମୋ ଫୋନରେ ମୋ ଗର୍ଲଫ୍ରେଣ୍ଡମାନଙ୍କ ନାମକୁ ପୁରୁଷ ବନ୍ଧୁମାନଙ୍କ ନାମରେ ସେଭ କରିଥିଲି ଯାହା ଦ୍ୱାରା ମୁଁ ଧରାପଡିବି ନାହିଁ।’ କେବଳ ଏତିକି ନୁହେଁ, ରଣବୀର ଆହୁରି ମଧ୍ୟ କହିଥିଲେ ଯେ ସେ ଯୁବତୀମାନଙ୍କ ନାମକୁ ‘ବ୍ୟାଟେରୀ ଲୋ’ ନାମରେ ସେଭ କରିଥିଲେ | ଯଦି ସେ କେବେ କାହା ସହିତ ଡେଟରେ ଯାଉଥିଲେ ଏବଂ ହଠାତ୍ କୌଣସି କଲ୍ ଆସୁଥିଲା, ତେବେ ଫୋନରେ ବ୍ୟାଟେରୀ ଲୋ ବୋଲି ଦେଖାଉଥିଲା | ଏହି ଉପାୟରେ ସେ ନିଜକୁ ବଞ୍ଚାଇ ଥିଲେ। ରଣବୀର କପୁରଙ୍କ ଆଗାମୀ ଫିଲ୍ମ ବିଷୟରେ କହିବାକୁ ଗଲେ ଆଜିକାଲି ସେ ବହୁ ପ୍ରତୀକ୍ଷିତ ଚଳଚ୍ଚିତ୍ର ‘ରାମାୟଣ’ ପାଇଁ ଚର୍ଚ୍ଚାରେ ଅଛନ୍ତି। ଏହି ଚଳଚ୍ଚିତ୍ରଟି ନୀତୀଶ ତିୱାରୀଙ୍କ ଦ୍ୱାରା ନିର୍ମାଣ ହେଉଥିବାବେଳେ ଯେଉଁଥିରେ ରଣବୀର ପ୍ରଭୁ ରାମଙ୍କ ଭୂମିକାରେ ନଜର ଆସିବେ। ରାମଙ୍କ ଭୂମିକାରେ ନିଜକୁ ଖାପ ଖୁଆଇବା ପାଇଁ ଆନିମଲ୍ ଷ୍ଟାର କଠିନ ପରିଶ୍ରମ କରୁଛନ୍ତି | ଫିଲ୍ମର ସୁଟିଂ ଆରମ୍ଭ ହୋଇଛି। ଆଉ ଏହି ଚଳଚ୍ଚିତ୍ର ଆସନ୍ତା ବର୍ଷ ୨୦୨୫ ମସିହାରେ ଦୀପାବଳି ଅବସରରେ ମୁକ୍ତିଲାଭ କରିବ।