ମୁଁ ଗାନ୍ଧୀ ପରିବାର ପାଖରେ ଚାକିରି କରୁନାହିଁ,ସ୍ମୃତି ଇରାନୀଙ୍କୁ ପରାସ୍ତ କରିବି: କଂଗ୍ରେସ ପ୍ରାର୍ଥୀ କେ.ଏଲ୍ ଶର୍ମାଙ୍କ ମନ୍ତବ୍ୟ
ଆମେଠି: ଉତ୍ତରପ୍ରଦେଶର ଆମେଠି ଲୋକସଭା ଆସନକୁ ଚଳିତ ଲୋକସଭା ନିର୍ବାଚନରେ ଏକ ହଟ୍ ସିଟ୍ ଭାବେ ବିବେଚନା କରାଯାଉଛି। ଦୀର୍ଘ ସମୟ ଅପେକ୍ଷା କରିବା ପରେ କଂଗ୍ରେସ ଗାନ୍ଧୀ ପରିବାରର ନିକଟତର ବିବେଚନା କରାଯାଉଥିବା କିଶୋରୀ ଲାଲ ଶର୍ମା (କେ.ଏଲ୍ ଶର୍ମା)ଙ୍କୁ ପ୍ରାର୍ଥୀ କରିଛି।
Sambad is now on WhatsApp
Join and get latest news updates delivered to you via WhatsApp
ସେ କେନ୍ଦ୍ର ମନ୍ତ୍ରୀ ସ୍ମୃତି ଇରାନୀଙ୍କୁ ଟକ୍କର ଦେବେ। ସମ୍ପ୍ରତି ତାଙ୍କର ଏକ ମନ୍ତବ୍ୟ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି। ସେ କହିଛନ୍ତି ମୁଁ ଗାନ୍ଧୀ ପରିବାର ପାଖରେ ଚାକିରି କରୁନାହିଁ। ମୁଁ କେବଳ ଜଣେ ରାଜନେତା।
ଲୋକସଭା ନିର୍ବାଚନ ପୂର୍ବରୁ ନେତାଙ୍କ ଆରୋପ ପ୍ରତ୍ୟାରୋପ ଜାରି ରହିଥିବାବେଳେ, କିଶୋରୀ ଲାଲ ଶର୍ମାଙ୍କ ମନ୍ତବ୍ୟ ନେଇ ଚର୍ଚ୍ଚା ଆରମ୍ଭ ହୋଇଛି। ନ୍ୟୁଜ୍ ଏଜେନ୍ସି ଏଏନଆଇ ଅନୁଯାୟୀ, କିଶୋରୀ ଲାଲ କହିଛନ୍ତି ଆମେଠିରୁ ମୋର ପ୍ରତିଦ୍ବନ୍ଦ୍ବିତା କରିବା ଦଳର ନେତୃତ୍ୱର ନିଷ୍ପତ୍ତି, କାରଣ ଏଠାରୁ କିଏ ପ୍ରତିଦ୍ୱନ୍ଦ୍ୱିତା କରିବେ ତାହା ସ୍ଥିର ହୋଇ ନ ଥିଲା। କଥାଟି ହେଉଛି ମୁଁ ବର୍ତ୍ତମାନ ସ୍ମୃତି ଇରାନୀଙ୍କୁ ପରାସ୍ତ କରିବି । ଆଜି ମୁଁ ଏହା କହୁଥିବା ଏକ ବଡ ମନ୍ତବ୍ୟ।
୧୯୮୩ ମସିହାରେ ଛାତ୍ର ସଂଘ ସମୟରେ ମୁଁ ଏଠାକୁ ଆସିଥିଲି। ମୁଁ କଂଗ୍ରେସ ତରଫରୁ କୌଣସି ବେତନ ପାଇ ନାହିଁ। ଯଦିଓ ଆଜି ମୋର ସ୍ଥିତି ସ୍ମୃତି ଇରାନୀଙ୍କ ଭଳି ନୁହେଁ, କିନ୍ତୁ ଏହା ପୂର୍ବରୁ ମୋର ସ୍ଥିତି ବହୁତ ବଡ ଥିଲା। ତେବେ ମୁଁ ତାଙ୍କୁ କଡ଼ା ଜବାବ ଦେବି ବୋଲି କିଶୋରୀ ଲାଲ କହିଛନ୍ତି।