ନ୍ୟାୟପାଳିକା ପ୍ରଯୁକ୍ତିର ସଦୁପଯୋଗ କରିବା ଉଚିତ: ସିଜେଆଇ
ନୂଆଦିଲ୍ଲୀ : ନାଗରିକଙ୍କ ନିକଟତର ହେବା ଓ ସେମାନଙ୍କୁ ଉପଯୁକ୍ତ ସେବା ପ୍ରଦାନ କରିବା ପାଇଁ ନ୍ୟାୟପାଳିକା ପ୍ରଯୁକ୍ତିର ଉପଯୋଗ କରିବା ଆବଶ୍ୟକ ବୋଲି ପ୍ରଧାନବିଚାରପତି (ସିଜେଆଇ) ଡିୱାଇ ଚନ୍ଦ୍ରଚୂଡ଼ ଶନିବାର କହିଛନ୍ତି।
Sambad is now on WhatsApp
Join and get latest news updates delivered to you via WhatsApp
ପ୍ରଧାନବିଚାରପତିଗଣ ଓ ସାଂଘାଇ ସହଯୋଗ ସଂଗଠନ (ଏସ୍ସିଓ)ର ଅଷ୍ଟାଦଶ ବୈଠକରେ ‘ସ୍ମାର୍ଟ କୋର୍ଟ ଓ ନ୍ୟାୟପାଳିକାର ଭବିଷ୍ୟତ’ ଉପରେ ଉଦ୍ବୋଧନ ଦେଇ ସିଜେଆଇ କହିଲେ ଯେ, ଭାରତ ସରକାର ନିକଟରେ ଇ-କୋର୍ଟ ପ୍ରକଳ୍ପ ପାଇଁ ତୃତୀୟ ପର୍ଯ୍ୟାୟରେ ପାଣ୍ଠି ମଞ୍ଜୁର କରିଛନ୍ତି। ଭବିଷ୍ୟତର ନ୍ୟାୟପାଳିକା ପାଇଁ ଇ-କୋର୍ଟ ହେଉଛି ଏକ ଉତ୍ସର୍ଗୀକୃତ ପ୍ରଚେଷ୍ଟା। ନ୍ୟାୟପାଳିକା ବ୍ୟବସ୍ଥାକୁ ଅଧିକ ସ୍ବଚ୍ଛ ଓ ଦକ୍ଷ କରିବା ଏବଂ ଲୋକଙ୍କ ପାଖରେ ପହଞ୍ଚାଇବା ପାଇଁ ଏହାର ଗୁରୁତ୍ବପୂର୍ଣ୍ଣ ଭୂମିକା ରହିଛି। ସିଜେଆଇ କହିଲେ ଯେ, ପ୍ରଥମ ଓ ଦ୍ବିତୀୟ ପର୍ଯ୍ୟାୟରେ ସ୍ଥାନୀୟ ସ୍ତରରେ ଡିଜିଟାଲ ଭିତ୍ତିଭୂମି ପ୍ରତିଷ୍ଠା କରାଯାଇଛି। ତୃତୀୟ ପର୍ଯ୍ୟାୟରେ ଲୋକଙ୍କ ପାଖରେ ନ୍ୟାୟ ପହଞ୍ଚାଇବା ବ୍ୟବସ୍ଥାକୁ ସୁଗମ କରାଯିବ। ଇ-ପଦକ୍ଷେପରେ ତଥ୍ୟ ସୁରକ୍ଷା ଉପରେ ଗୁରୁତ୍ବ ଦିଆଯିବ।