ଦିଗବିଜୟ ଏମିତି ଭାବିବା ବି ଉଚିତ ନୁହେଁ: ପ୍ରଜ୍ଞା ସିଂ ଠାକୁର
ନୂଆଦିଲ୍ଲୀ: ମଧ୍ୟପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଦିଗବିଜୟ ସିଂ ରାଜଗଡରୁ ଲୋକସଭା ଟିକେଟ ପାଇବା ପରେ କହିଛନ୍ତି ଯେ ଯଦି ସେ ପୂର୍ବତନ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ କିମ୍ବା ଦେଶର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବିରୋଧରେ ନିର୍ବାଚନ ଲଢ଼ିବାକୁ ସୁଯୋଗ ପାଇବେ, ତେବେ ସେ ପଛଘୁଞ୍ଚା ଦେବେ ନାହିଁ | ତେବେ ଏହି ବିବୃତ୍ତିକୁ ନେଇ ଦିଗବିଜୟଙ୍କୁ ଘେରିଛନ୍ତି ସାଂସଦ ପ୍ରଜ୍ଞା ସିଂ ଠାକୁର | ସେ କହିଛନ୍ତି ଯେ ପ୍ରଧାନମନ୍ତ୍ରୀ ଓ ଶିବରାଜ ସିଂ ଚୌହାନଙ୍କ ବିରୋଧରେ ନିର୍ବାଚନ ଲଢ଼ିବା କଥା ଭାବିବା ବି ଉଚିତ ନୁହେଁ |
Sambad is now on WhatsApp
Join and get latest news updates delivered to you via WhatsApp
ଭୋପାଳ ସାଂସଦ ପ୍ରଜ୍ଞା ସିଂ ଠାକୁର କହିଛନ୍ତି ଯେ ଯଦି ଦିଗବିଜୟ ସିଂ ୨୦୧୯ ଭୋପାଳ ଲୋକସଭା ନିର୍ବାଚନକୁ ମନେ ରଖିଛନ୍ତି, ତେବେ ସେ ଏପରି ବିବୃତ୍ତି ଦେବା ଉଚିତ୍ ନୁହେଁ। ସେ ଏହା ମଧ୍ୟ କହିଛନ୍ତି ଯେ ଯଦି ସେ ପୂର୍ବତନ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନଙ୍କ ବିରୋଧରେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରନ୍ତି, ତା’ହେଲେ ଅମାନତ ହରାଇବେ | ଆଉ ପୂର୍ବତନ ମୁଖ୍ୟମନ୍ତ୍ରୀ ଦିଗବିଜୟ ସିଂଙ୍କୁ ତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବିରୋଧରେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବା ଚିନ୍ତା କରିବା ବି ଉଚିତ ନୁହେଁ। ସାଂସଦ ପ୍ରଜ୍ଞା ସିଂ ଠାକୁର ଅଭିଯୋଗ କରିଛନ୍ତି ଯେ ଦିଗବିଜୟ ସିଂଙ୍କ କାର୍ଯ୍ୟକାଳ ମଧ୍ୟରେ ମଧ୍ୟପ୍ରଦେଶର ଲୋକଙ୍କୁ ରାସ୍ତା, ବିଦ୍ୟୁତ୍ ଏବଂ ଜଳ ଭଳି ମୌଳିକ ସୁବିଧା ପାଇଁ ସଂଘର୍ଷ କରିବାକୁ ପଡିଥିଲା । ସୂଚନାଯୋଗ୍ୟ ଯେ ଏଥର ଭାରତୀୟ ଜନତା ପାର୍ଟି ଭୋପାଳ ସାଂସଦ ପ୍ରଜ୍ଞା ସିଂ ଠାକୁରଙ୍କୁ ଟିକେଟ୍ ଦେଇନାହିଁ ।