ଆପ ଗୋଟିଏ ଗ୍ୟାରେଣ୍ଟି ଦେଉ: ସୁନୀଲ ଜାଖଡ଼
ନୂଆଦିଲ୍ଲୀ: ପଞ୍ଜାବ ବିଜେପି ମୁଖ୍ୟ ସୁନୀଲ ଜାଖଡ଼ ଦିଲ୍ଲୀର ରାମଲିଲା ମଇଦାନରେ ‘ଇଣ୍ଡିଆ’ ମେଣ୍ଟର ରାଲି ଉପରେ ଆକ୍ରମଣ କରିଛନ୍ତି। ସେ ଆମ୍ ଆଦମୀ ପାର୍ଟିର ଗ୍ୟାରେଣ୍ଟି ଦାବିକୁ ନେଇ ଟାର୍ଗେଟ କରିଛନ୍ତି । ସୁନୀଲ କହିଛନ୍ତି ଯେ ଆଜି ଆମ୍ ଆଦମୀ ପାର୍ଟି (ଆପ) ଏକ ଗ୍ୟାରେଣ୍ଟି ଦେବା ଆବଶ୍ୟକ ଯେ ଦଳ ଲୋକମାନଙ୍କୁ ବୋକା ବନାଇବା ବନ୍ଦ କରୁ । ପଞ୍ଜାବ ବିଜେପି ମୁଖ୍ୟ ସୁନୀଲ ଜାଖଡ଼ କହିଛନ୍ତି ଯେ ରାମଲିଲା ମଇଦାନ ସମାବେଶରେ ଅଜୟ ମାକେନ ଏବଂ ଅଲକା ଲାମ୍ବାଙ୍କୁ ମଞ୍ଚରେ ଦେଖିବାକୁ ମିଳି ନଥିଲା। ସୁନୀତା କେଜ୍ରିୱାଲ କେଉଁ ଗ୍ୟାରେଣ୍ଟି ବିଷୟରେ କହୁଛନ୍ତି? ସୁନୀଲ କହିଛନ୍ତି ଯେ ଦିଲ୍ଲୀର ଲୋକଙ୍କୁ ବିଭ୍ରାନ୍ତ ନକରିବା ପାଇଁ ତାଙ୍କୁ ଏକ ଗ୍ୟାରେଣ୍ଟି ଦେବା ଉଚିତ। ଅରବିନ୍ଦ କେଜ୍ରିୱାଲ ପ୍ରଥମେ ଆନ୍ନା ହାଜାରେଙ୍କୁ ପ୍ରତାରଣା କରିଥିଲେ।
Sambad is now on WhatsApp
Join and get latest news updates delivered to you via WhatsApp
ଏହା ପରେ ପ୍ରଶାନ୍ତ ଭୂଷଣ, ଯୋଗେନ୍ଦ୍ର ଯାଦବ ଏବଂ କୁମାର ବିଶ୍ୱାସଙ୍କୁ ଅଣଦେଖା କରାଯାଇଥିଲା। ଦିଲ୍ଲୀର ଲୋକଙ୍କୁ ପ୍ରତାରଣା କରିବା ସହିତ କେଜ୍ରିୱାଲ ପଞ୍ଜାବର ଲୋକଙ୍କୁ ମଧ୍ୟ ପ୍ରତାରଣା କରିଛନ୍ତି। ବାସ୍ତବରେ ଦେଶର ବହୁ ବିରୋଧୀଦଳ ନେତା ଆଜି ‘ଗଣତନ୍ତ୍ର ବଞ୍ଚାଅ’ ରାଲିରେ ଏକାଠି ହୋଇଥିଲେ। ଏହି ସମୟରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ପତ୍ନୀ ସୁନୀତା କେଜ୍ରିୱାଲ ଇଣ୍ଡିଆ ରାଲିରେ ଜେଲରୁ ତାଙ୍କ ସ୍ୱାମୀଙ୍କ ବାର୍ତ୍ତା ପଢିଥିଲେ । ସୁନୀତା କେଜ୍ରିୱାଲ କହିଛନ୍ତି ଯେ ଆଜି ଭାରତ ମାତା ଯନ୍ତ୍ରଣା ଭୋଗୁଛନ୍ତି ଏବଂ ଏହି ଅତ୍ୟାଚାର ଚାଲିବ ନାହିଁ। ତାଙ୍କ ସ୍ୱାମୀଙ୍କ ବାର୍ତ୍ତା ପଢି ସେ କହିଛନ୍ତି, ଯଦି ଇଣ୍ଡିଆ ‘ମିଳିତ ମଞ୍ଚ କ୍ଷମତାକୁ ଆସେ, ତେବେ ଏହା ଭଲ ଡାକ୍ତରଖାନା ଏବଂ ଶିକ୍ଷା ସମେତ ୬ଟି ଗ୍ୟାରେଣ୍ଟି ପୂରଣ କରିବ।