ବିଶ୍ବବିଦ୍ୟାଳୟ ଆଡ଼ମିସନରେ ସଂରକ୍ଷଣ ନିଷିଦ୍ଧ କଲେ ଆମେରିକା ସୁପ୍ରିମ୍କୋର୍ଟ
ୱାସିଂଟନ: ଆମେରିକା ସୁପ୍ରିମ୍କୋର୍ଟ ଗୁରୁବାର ବିଶ୍ବବିଦ୍ୟାଳୟଗୁଡ଼ିକରେ ଆଡ଼ମିସନ କ୍ଷେତ୍ରରେ ଜାତି-ଧର୍ମର ସଂରକ୍ଷଣକୁ ନିଷିଦ୍ଧ କରିଛନ୍ତି। ଏହାଦ୍ବାରା ଅନେକ ଦଶନ୍ଧି ଧରି ଉଚ୍ଚଶିକ୍ଷା କ୍ଷେତ୍ରରେ ଅଧିକ ସୁବିଧା ପାଇ ଆସୁଥିବା ଆଫ୍ରିକୀୟ-ଆମେରିକୀୟ ଓ ଅନ୍ୟ ସଂଖ୍ୟାଲଘୁମାନଙ୍କର ସେହି ସୁବିଧା ପ୍ରତ୍ୟାହୃତ ହୋଇଯାଇଛି।
Sambad is now on WhatsApp
Join and get latest news updates delivered to you via WhatsApp
ଗର୍ଭପାତ ପାଇଁ ମହିଳାଙ୍କ ଅଧିକାରର ଗ୍ୟାରେଣ୍ଟି ହଟାଇବାର ବର୍ଷକ ପରେ କୋର୍ଟର ସଂଖ୍ୟାଗରିଷ୍ଠ ରକ୍ଷଣବାଦୀ ୧୯୬୦ ଦଶନ୍ଧିର ଲିବରାଲ ନୀତିର ଉଚ୍ଛେଦ ପାଇଁ ନିଜର ପ୍ରତିବଦ୍ଧତା ପ୍ରଦର୍ଶନ କରିଛନ୍ତି। ଏହି ରାୟ ସପକ୍ଷରେ ୬ ରକ୍ଷଣବାଦୀ ଓ ବିପକ୍ଷରେ ୩ ଲିବରାଲ ମତ ଦେଇଥିଲେ। ପ୍ରଧାନବିଚାରପତି ଜନ ରବର୍ଟସ କହିଥିଲେ ଯେ, ଜାତି-ଧର୍ମ ଭେଦରେ କୌଣସି ସମ୍ପ୍ରଦାୟକୁ ଅଧିକ ସୁବିଧା ଦେବା ବା ପାତରଅନ୍ତର କରିବା ସମ୍ବିଧାନବିରୋଧୀ। ଛାତ୍ରଛାତ୍ରୀମାନଙ୍କୁ ସେମାନଙ୍କ ଜ୍ଞାନ ଓ ଯୋଗ୍ୟତା ଅନୁସାରେ ଗ୍ରହଣ କରାଯିବା ଉଚିତ, ସେମାନଙ୍କ ଜାତି ବା ଧର୍ମ ଅନୁସାରେ ନୁହେଁ। କଳା, ଗୋରା ଓ ଜାତିଆଣ ଭେଦଭାବ ସର୍ବତ୍ର ବର୍ଜନୀୟ, ଶିକ୍ଷାକ୍ଷେତ୍ରରେ ବି ବୋଲି ପ୍ରଧାନବିଚାରପତି କହିଥିଲେ।