ଛତିଶଗଡ଼: ରବିବାର ହୋଇପାରେ ବିଜେପି ବିଧାୟକ ଦଳ ବୈଠକ
ନୂଆଦିଲ୍ଲୀ: ଛତିଶଗଡ଼ରେ ଆସନ୍ତା ରବିବାର ବିଜେପି ବିଧାୟକ ଦଳ ବୈଠକ ଅନୁଷ୍ଠିତ ହେବାର ସମ୍ଭାବନା ରହିଛି, ଯେଉଁଥିରେ ବିଧାୟକ ଦଳର ନେତା ଚୟନ କରାଯିବା ସହ ରାଜ୍ୟର ନୂତନ ମୁଖ୍ୟମନ୍ତ୍ରୀଙ୍କ ନାମ ମଧ୍ୟ ପ୍ରକାଶ ପାଇବ। ଇତିମଧ୍ୟରେ ବିଜେପିର କେନ୍ଦ୍ରୀୟ ନେତୃତ୍ୱ ଛତିଶଗଡ଼ ପାଇଁ ୩ ଜଣ ପର୍ଯ୍ୟବେକ୍ଷକ ଙ୍କୁ ନିଯୁକ୍ତ କରିଛନ୍ତି, ଯେଉଁମାନେ ସେଠାରେ ମୁଖ୍ୟମନ୍ତ୍ରୀ ଚୟନ କରିବେ। କେନ୍ଦ୍ରମନ୍ତ୍ରୀ ସର୍ବାନନ୍ଦ ସୋନୋୱାଲ, କେନ୍ଦ୍ରମନ୍ତ୍ରୀ ଅର୍ଜୁନ ମୁଣ୍ଡା ଓ ବିଜେପି ରାଷ୍ଟ୍ରୀୟ ସାଧାରଣ ସମ୍ପାଦକ ଦୁଷ୍ମନ୍ତ କୁମାର ଗୌତମଙ୍କୁ ପର୍ଯ୍ୟବେକ୍ଷକ କରାଯାଇଛି, ଯେଉଁମାନଙ୍କ ମଧ୍ୟରୁ ମୁଣ୍ଡା ଓ ସୋନୱାଲ ରବିବାର ଛତିଶଗଡ଼ ଗସ୍ତରେ ଯିବେ। ଏଥିସହିତ ଦୁଷ୍ମନ୍ତ ଗୌତମ କହିଛନ୍ତି ଯେ ଖୁବଶୀଘ୍ର ଛତିଶଗଡ଼ରେ ମୁଖ୍ୟମନ୍ତ୍ରୀ ଘୋଷଣା କରାଯିବ।
Sambad is now on WhatsApp
Join and get latest news updates delivered to you via WhatsApp
କିଏ କିଏ ମୁଖ୍ୟମନ୍ତ୍ରୀ ଦୌଡ଼ରେ ?
ମୁଖ୍ୟମନ୍ତ୍ରୀଙ୍କ ନାମ ଘୋଷଣା ସହ ଛତିଶଗଡ଼ରେ ସରକାର ଗଠନ ହେବ। ତେବେ ଏମିତି କିଛି ନାଁ ରହିଛି ଯାହାକୁ ନେଇ ଏବେ ଚର୍ଚ୍ଚା ଜୋର ଧରିଛି । ଆଦିବାସୀଙ୍କ ଠାରୁ ବହୁ ଭୋଟ ପାଇଥିବାରୁ ବିଜେପି ଏଥର ଆଦିବାସୀ ନେତାଙ୍କୁ ରାଜ୍ୟର କମାଣ୍ଡ ହସ୍ତାନ୍ତର କରିପାରେ ବୋଲି ଅନୁମାନ କରାଯାଉଛି। ଆସନ୍ତା ବର୍ଷ ଲୋକସଭା ନିର୍ବାଚନ ପୂର୍ବରୁ ବିଜେପି ଦେଶର ଆଦିବାସୀ ଭୋଟରଙ୍କୁ ବାର୍ତ୍ତା ଦେବାକୁ ଚାହୁଁଛି ଏବଂ ଯେଉଁ ରାଜ୍ୟରେ ଆଦିବାସୀ ଅଧ୍ୟୁଷିତ ରାଜ୍ୟ ରହିଛି ସେଠାରେ ମଧ୍ୟ ବାର୍ତ୍ତା ଦେବାକୁ ଚାହୁଁଛି। ଏଭଳି ସ୍ଥିତିରେ ରେଣୁକା ସିଂ, ଲତା ଉସେଣ୍ଡି ଓ ଗୋମତୀ ସାଏଙ୍କ ନାମ ଚର୍ଚ୍ଚାରେ ରହିଛି । ରାଜ୍ୟ ସଭାପତି ଅରୁଣ ସାଓ ମଧ୍ୟ ଏହି ଦୌଡ଼ରେ ଅଛନ୍ତି। ରମଣ ସିଂହ ଓ ଓପି ଚୌଧୁରୀ ମଧ୍ୟ ପ୍ରତିଦ୍ୱନ୍ଦ୍ୱୀ।