ମୁଁ ଫିଟ ଅଛି, କ୍ରିକେଟରୁ ସନ୍ନ୍ୟାସ ନେବା ନେଇ ଏଭଳି କହିଲେ କ୍ରିସ୍ ଗେଲ
ନୂଆଦିଲ୍ଲୀ: ବିଶ୍ୱ କ୍ରିକେଟରେ ୟୁନିଭର୍ସ ବସ୍ ଭାବେ ଜଣାଶୁଣା କ୍ରିସ୍ ଗେଲଙ୍କ ସାମ୍ନାରେ ବୋଲିଂ କରିବା ବୋଲରଙ୍କ ପାଇଁ କଷ୍ଟସାଧ୍ୟ ହୋଇଥାଏ | ବିଶେଷ କରି ଗେଲଙ୍କ ବ୍ୟାଟିଂ ଦେଖିବାକୁ ପ୍ରଶଂସକଙ୍କ କ୍ରେଜ ମଧ୍ୟ ଦେଖିବାକୁ ମିଳିଥାଏ | ଗେଲଙ୍କ ନାମରେ ଟି -୨୦ ଫର୍ମାଟରେ ସର୍ବାଧିକ ରନ୍ ସ୍କୋର କରିବାର ରେକର୍ଡ ଥିବାବେଳେ ଗେଲ ଶେଷ ଅନ୍ତର୍ଜାତୀୟ ମ୍ୟାଚ୍ ଖେଳିବାର ବହୁତ ଦିନ ବିତିଗଲାଣି | ଅନ୍ତର୍ଜାତୀୟ ମ୍ୟାଚ ସହ ଆଇପିଏଲରେ ମଧ୍ୟ, ସେ ଆଉ ଖେଳୁଥିବାର ଦେଖିବାକୁ ମିଳୁନାହିଁ | ଆଜି ମଧ୍ୟ ପ୍ରଶଂସକମାନେ କ୍ରିସ ଗେଲଙ୍କ ବ୍ୟାଟିଂ ଦେଖିବାକୁ ଉତ୍ସାହର ସହିତ ଅପେକ୍ଷା କରିଛନ୍ତି। ଗେଲଙ୍କୁ ସେହି ଖେଳାଳୀମାନଙ୍କ ମଧ୍ୟରେ ଗଣନା କରାଯାଏ ଯେଉଁମାନଙ୍କର ଲୋକପ୍ରିୟତା କେବଳ ଗୋଟିଏ ଦେଶରେ ନୁହେଁ ପ୍ରତ୍ୟେକ କ୍ରିକେଟ୍ ଖେଳୁଥିବା ଦେଶରେ ଦେଖାଯାଏ | ଆଇପିଏଲ୍ ଇନିଂସରେ ସର୍ବାଧିକ ରନ୍ ସ୍କୋର କରିବାର ରେକର୍ଡ ଗେଲଙ୍କ ନାମରେ ଥିବାବେଳେ ୪୩ ବର୍ଷୀୟ କ୍ରିସ୍ ଗେଲ୍ ୨୦୧୯ରେ ୱେଷ୍ଟଇଣ୍ଡିଜ୍ ପାଇଁ ତାଙ୍କର ଶେଷ ଦିନିକିଆ ଖେଳିଥିଲେ |
Sambad is now on WhatsApp
Join and get latest news updates delivered to you via WhatsApp
ଏଥି ସହିତ, ୨୦୨୧ ମସିହାରେ ସେ ଶେଷ ଟି -୨୦ ଅନ୍ତର୍ଜାତୀୟ ମ୍ୟାଚ୍ ଖେଳିଥିଲେ। ଏହା ପରେ ଗେଲଙ୍କୁ ବିଭିନ୍ନ ଟି -୨୦ ଲିଗରେ ଖେଳୁଥିବାର ଦେଖିବାକୁ ମିଳିଛି। ଏହି ସମୟରେ, କ୍ରିସ ଗେଲ ତାଙ୍କ ଅବସରକୁ ନେଇ ଏକ ବଡ ଘୋଷଣା କରିଛନ୍ତି। ତାଙ୍କ ଅବସର ସମ୍ପର୍କରେ ଏକ ବିବୃତ୍ତି ଦେଇ କ୍ରିସ ଗେଲ କହିଛନ୍ତି ଯେ, ‘ଅବସର ନେଇ ମୁଁ କୌଣସି ଘୋଷଣା କରିନାହିଁ। ତଥାପି ମୁଁ କ୍ରିକେଟ୍ ଖେଳୁଛି | ଲୋକମାନେ ମୋତେ ଖେଳୁଥିବାର ଦେଖିବାକୁ ଚାହୁଁଛନ୍ତି | ମୁଁ ଏବେ ବି ଖେଳିବାକୁ ଯଥେଷ୍ଟ ଫିଟ୍ ଅଛି’ | ଏଭଳି କହି ଗେଲ ଅବସର ଖବରକୁ ଖଣ୍ଡନ କରିଛନ୍ତି |