ପ୍ରାକ୍ ମୌସୁମୀ ବାତ୍ୟା ମୁକାବିଲା ବୈଠକ
ଭୁବନେଶ୍ବର: ଆଜି ବସିବ ପ୍ରାକ୍ ମୌସୁମୀ ବାତ୍ୟା ମୁକାବିଲା ବୈଠକ। ଆଜି ଲୋକ ସେବା ଭବନରେ ବସିବ ଗୁରୁତ୍ବପୂର୍ଣ୍ଣ ବୈଠକ। ଏଥିରେ ମୁଖ୍ୟ ଶାସନ ସଚିବ ପ୍ରଦୀପ ଜେନା, ରାଜ୍ୟ ସ୍ବତନ୍ତ୍ର ରିଲିଫ କମିଶନର ସତ୍ୟବ୍ରତ ସାହୁଙ୍କ ସମେତ ଆଞ୍ଚଳିକ ପାଣିପାଗ କେନ୍ଦ୍ରର ନିର୍ଦ୍ଦେଶକ ଓ ରାଜ୍ୟର ବିଭିନ୍ନ ବିଭାଗର ବରିଷ୍ଠ ଅଧିକାରୀ ଯୋଗ ଦେବା ନେଇ ସୂଚନା ରହିଛି।
Sambad is now on WhatsApp
Join and get latest news updates delivered to you via WhatsApp
ମୌସୁମୀ ପୂର୍ବକାଳୀନ ବାତ୍ୟା ମୁକାବିଲା ଉପରେ ରାଜ୍ୟ ସରକାର ଗୁରୁତ୍ୱ ଦେଇଛନ୍ତି। ଗତ କିଛି ବର୍ଷ ହେବ ନିୟମିତ ଭାବେ ଓଡ଼ିଶାରେ ମେ ମାସରେ ବାତ୍ୟା ବିପଦ ରହୁଛି। ବଙ୍ଗୋପସାଗରରେ ଆରମ୍ଭ ହୋଇ ସାରିଛି ପ୍ରାକ୍ ମୌସୁମୀ ବାତ୍ୟା ଋତୁ। ରାଜ୍ୟରେ ଦୁଇଥର ବାତ୍ୟା ଋତୁ ଦେଖାଦିଏ। ଏପ୍ରିଲରୁ ଜୁନକୁ ପ୍ରଥମ ବାତ୍ୟା ଋତୁ କୁହାଯାଏ। ଆଗରୁ ଏହି ମାସରେ ଅନେକ ବାତ୍ୟାକୁ ଓଡ଼ିଶା ସାମ୍ନା କରିଛି। ୟସ ଓ ଫନି ଭଳି ଅନେକ ବଡ଼ ବଡ଼ ବାତ୍ୟା ଦେଖିଛନ୍ତି ଓଡ଼ିଶାବାସୀ। ଏଥିପାଇଁ ରାଜ୍ୟ ସରକାର ମୌସୁମୀ ପୂର୍ବବର୍ତ୍ତୀକାଳୀନ ବାତ୍ୟା ସମୟକୁ ଗୁରୁତ୍ୱ ଦେଇଛନ୍ତି।