ଟ୍ରକକୁ ପିଟିଲା ସ୍କର୍ପିଓ: ୩ ମୃତ, ୩ ଗୁରୁତର
ଯୋଡା: କେନ୍ଦୁଝର ଜିଲ୍ଲା ରୁଗୁଡି ଥାନା ଅନ୍ତର୍ଗତ ୫୨୦ ନମ୍ବର ଜାତୀୟ ରାଜପଥ ବାରବାଙ୍କ ଘାଟିରେ ବୁଧବାର ମର୍ମନ୍ତୁଦ ଦୁର୍ଘଟଣା ଘଟି ୩ ଜଣଙ୍କର ମୃତ୍ୟୁ ଘଟିଛି। ଅନ୍ୟ ୩ ଜଣଙ୍କୁ ଗୁରୁତର ଅବସ୍ଥାରେ କେନ୍ଦୁଝର ମୁଖ୍ୟ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି। ବାରବାଙ୍କ ଘାଟି ରାସ୍ତା ପାଶ୍ୱର୍ରେ ଏକ ଟ୍ରକ ଠିଆ ହୋଇଥିଲା।
Sambad is now on WhatsApp
Join and get latest news updates delivered to you via WhatsApp
ପଛପଟୁ ଆସୁଥିବା ଓଆର-୦୨ଏଏକ୍ସ-୮୧୮୧ ନମ୍ବର ସ୍କର୍ପିଓ ଭାରସାମ୍ୟ ହରାଇ ପିଟି ହୋଇଯାଇଥିଲା ମୃତକଙ୍କ ମଧ୍ୟରେ ୨ ପୁରୁଷ ଓ ଜଣେ ମହିଳା ଅଛନ୍ତି। ସ୍କର୍ପିଓଟି ରୁଗୁଡିରୁ ଭଦ୍ରାସାହି ଆସୁଥିବା ସମୟରେ ଏହି ମର୍ମନ୍ତୁଦ ଦୁର୍ଘଟଣା ଘଟିଥିଲା । ତେବେ ମୃତକମାନେ ବଡବିଲ ଥାନା ଭଦ୍ରାସାହି ବିଜୁ ହଟିଂର ଅର୍ଜୁନ ମୁଣ୍ଡା,ରାଞ୍ଚି ମୁଣ୍ଡା ଓ ଜୁରିଆ ମୁଣ୍ଡା। ଘଟଣାସ୍ଥଳରେ ରୁଗୁଡି ପୁଲିସ ପହଞ୍ଚି ତଦନ୍ତ ଚଳାଇଛି । ସ୍କର୍ପିଓଟି ଚୂରମାର ହୋଇଯାଇଛି।