ମୁମ୍ବାଇ: ଦୁନିଆରେ ସବୁଠାରୁ ବେଶି ବ୍ୟବହାର କରାଯାଉଥିବା ମେସେଜିଂ ଆପ୍ ହେଉଛି ହ୍ଵାଟ୍ସଆପ୍। ଏଥିରେ ଏବର୍ଷ କେତେକ ନୂଆ ଫିଚର୍ସ ଆସିବାକୁ ଅଛି। ଏଥିରେ ମୁଖ୍ୟତଃ ଡିଜାଇନ୍ ଓ ଚାଟ ଆଧାରିତ ଫିଚର୍ ରହିଛି। ଗତ ବର୍ଷ ବି କମ୍ପାନି ହ୍ଵାଟ୍ସଆପରେ କିଛି ନୂଆ ଫିଚର ଆଣିଛି, ଯାହାକି ବ୍ୟବହାରକାରୀଙ୍କୁ ଖୁବ୍ ପସନ୍ଦ ଆସଛି। ଏବର୍ଷ ଆଉ କିଛି ଫିଚର୍ ଆସିବାର ସୂଚନା ରହିଛି।
Sambad is now on WhatsApp
Join and get latest news updates delivered to you via WhatsApp
ମିଡିଆ ପ୍ରିଭ୍ୟୁ: ହ୍ଵାଟ୍ସଆପ ଏବେ ମିଡିଆ ପ୍ରିଭ୍ୟୁ ଫିଚର୍ର ଟେଷ୍ଟିଂ କରୁଛି। ଏହି ଫିଚର ଜରିଆରେ ବ୍ୟବହାରକାରୀ ନୋଟିଫିକେସନ ଜରିଆରେ ଭିଡିଓ, ଅଡିଓ ଓ ଇମେଜର ପ୍ରିଭ୍ୟୁ କରି ଦେଖି ପାରିବେ। ଫାଇଦା ଏହାକି, ପ୍ରତ୍ୟେକ ଥର କିଛି ବି ଗୋଟିଏ ମେସେଜ ଦେଖିବା ପାଇଁ ହ୍ଵାଟ୍ସଆପ ଖୋଲିବା ଆବଶ୍ୟକ ପଡ଼ିବ ନାହିଁ।
ଡାର୍କ ମୋଡ: ଏହି ଫିଚର କମ୍ପାନି ଅନେକ ଆଗରୁ କରି ରଖିଥିଲେ ବି ଏବର୍ଷ ଲାଗୁ କରିବାକୁ ଯାଉଛି। କମ୍ ଲାଇଟ କିିମ୍ବା ଅନ୍ଧାରରେ ହ୍ଵାଟ୍ସଆପ ବ୍ୟବହାର କରିବା ପାଇଁ ଏହି ଫିଚର ସାହାଯ୍ୟ କରିବ।
କଣ୍ଟାକ୍ଟସ ର୍ୟାକିଂ ଫିଚର: ଏହି ଫଚର ଜରିଆରେ ଆପଣ କାହା ସହ ବେଶି ଚାଟ କରୁଛନ୍ତି ଓ କାହା ସହ କମ୍ ଚାଟ କରୁଛନ୍ତି ତାହାର ତାଲିକା କରି ପାରିବେ। ଏହା ଦ୍ୱାରା ଆପଣଙ୍କ କାମ ଆହୁରି ସହଜ ହୋଇଯିବ।
ପ୍ରାଇଭେଟ ରିପ୍ଲାଏ: ଏହି ଫଚର୍ ମୁଖ୍ୟତଃ ଗ୍ରୁପ୍ ପାଇଁ। ଗ୍ରୁପ୍ ଭିତରେ ଆପଣ କାହାକୁ ବ୍ୟକ୍ତିଗତ ମେସେଜ ପଠାଇବାକୁ ଚାହୁଁଥିଲେ ଏହି ଫିଚର ଜରିଆରେ ଜଣକୁ କେବଳ ମେସେଜ ପଠାଇ ପାରିବେ।
ଲକ୍ ଫିଚର: ଆପଣ ଚାହିଁଲେ ନିଜ ହ୍ଵାଟ୍ସଆପ୍ରେ ଫିଙ୍ଗ୍ରପ୍ରିଣ୍ଟ କିମ୍ବା ଫେସ୍ ଲକ୍ ପକାଇ ପାରିବେ। ପୂର୍ବରୁ କେବଳ ହ୍ଵାଟ୍ସଆପ୍ ଲକ୍ କରିବା ପାଇଁ କୌଣସି ସୁବିଧା ନଥିଲା।