ବ୍ୟାଙ୍କ ଅଫ ବରୋଦା, ଦେନା ବ୍ୟାଙ୍କ ଓ ବିଜୟା ବ୍ୟାଙ୍କର ମିଶ୍ରଣକୁ କ୍ୟାବିନେଟ ମଂଜୁରୀ, କୌଣସି କର୍ମଚାରୀ ଛଟେଇ ହେବେ ନାହିଁ
ନୂଆଦିଲ୍ଲୀ: କେନ୍ଦ୍ର ସରକାର ବ୍ୟାଙ୍କ କ୍ଷେତ୍ରରେ କେତେକ ସଂସ୍କାର ଆଣିବାକୁ ଯୋଜନା କରୁଛନ୍ତି । ଏହା ମଧ୍ୟରେ ବିଭିନ୍ନ ବ୍ୟାଙ୍କ ମଧ୍ୟରେ ମିଶ୍ରଣ ଅନ୍ୟତମ । ଏହି ଯୋଜନା ଅନୁଯାୟୀ ୩ଟି ରାଷ୍ଟ୍ରାୟତ ବ୍ୟାଙ୍କ ବ୍ୟାଙ୍କ ଅଫ ବରୋଦା, ଦେନା ବ୍ୟାଙ୍କ ଓ ବିଜୟା ବ୍ୟାଙ୍କର ମିଶ୍ରଣ କରାଯିବ । ଆଜି ଏହି ମିଶ୍ରଣ ପ୍ରସ୍ତାବକୁ କେନ୍ଦ୍ର କ୍ୟାବିନେଟ ମଂଜୁରୀ ଦେଇଛି ।
Sambad is now on WhatsApp
Join and get latest news updates delivered to you via WhatsApp
ଏହି ମିଶ୍ରଣ ପରେ ସୃଷ୍ଟି ହେବାକୁ ଥିବା ବ୍ୟାଙ୍କଟି ଦେଶର ୩ୟ ବୃହତ୍ତମ ବ୍ୟାଙ୍କ ହେବ ।ଏହି ମିଶ୍ରଣ ପ୍ରସ୍ତାବ ସଂପର୍କରେ ୩ଟି ବ୍ୟାଙ୍କର ବୋର୍ଡ ଆଲୋଚନା କରିବେ ଓ ଆବଶ୍ୟକ ନିଷ୍ପତ୍ତି ନେବେ । ଏହା ପୂର୍ବରୁ ଅର୍ଥମନ୍ତ୍ରୀ ଅରୁଣ ଜେଟଲୀ କହିଥିଲେ ଯେ ସରକାରଙ୍କ ଯୋଜନା ହେଉଛି ଦୁଇଟି ସବଳ ବ୍ୟାଙ୍କ ସହିତ ଗୋଟିଏ ଦୁର୍ବଳ ବ୍ୟାଙ୍କକୁ ମିଶାଇବା । ତେବେ ଏହା କଲାବେଳେ ବ୍ୟାଙ୍କର ସେବା ଓ ପରିଚାଳନାରେ ବ୍ୟାଘାତ ସୃଷ୍ଟି ନ କରିବା ।
ଏହି ଘୋଷଣା କରି କେନ୍ଦ୍ର ଆଇନ ମନ୍ତ୍ରୀ ରବି ଶଙ୍କର ପ୍ରସାଦ କହିଛନ୍ତି ଯେ ଏହି ମିଶ୍ରଣ ଦ୍ୱାରା କୌଣସି କର୍ମଚାରୀ ଛଟେଇ ହେବେ ନାହିଁ ଅଥବା କୌଣସି କର୍ମଚାରୀଙ୍କ ସେବା ସ୍ତରରେ ପରିବର୍ତ୍ତନ ହେବ ନାହିଁ ।