ଆନ୍ଧ୍ରପ୍ରଦେଶରୁ ନଗଦ ଆଠ କୋଟି ଜବତ
ବିଶାଖାପାଟଣା: ଆନ୍ଧ୍ରପ୍ରଦେଶର ଏନ୍ଟିଆର ଜିଲ୍ଲାର ଏକ ଚେକ୍ପୋଷ୍ଟରୁ ଗୁରୁବାର ଏକ ଟ୍ରକ୍ରୁ ୮ କୋଟି ନଗଦ ଟଙ୍କା ଜବତ କରାଯାଇଛି। ନଗଦ ଟଙ୍କା ଜବତ ଘଟଣାରେ ପୁଲିସ ୨ ଜଣଙ୍କୁ ଅଟକ ରଖିଛି। ଆଜି ସକାଳେ ଗାରିକାପାଡୁ ଚେକ୍ପୋଷ୍ଟରେ ଯାଞ୍ଚ ଚାଲିଥିବା ବେଳେ ଏକ ପାଇପ୍ ବୋଝେଇ ଟ୍ରକ୍ର ଗୁପ୍ତ ବଗିରେ ଟଙ୍କା ଲୁଚାଇ ରଖାଯାଇଥିବା ଦେଖିବାକୁ ମିଳିଥିଲା। ଜଗୈୟାପେଟର ସର୍କଲ ଇନ୍ସପେକ୍ଟର ଚନ୍ଦ୍ରଶେଖର କହିଛନ୍ତି ଯେ ହାଇଦ୍ରାବାଦରୁ ଗୁଣ୍ଟୁରକୁ ଟଙ୍କା ପରିବହନ କରାଯାଉଥିଲା। ଏହି ଅର୍ଥ ଜିଲ୍ଲା ତଦନ୍ତକାରୀ ଦଳକୁ ହସ୍ତାନ୍ତର କରା ଯାଇଛି । ଫ୍ଲାଇଂ ସ୍କ୍ୱାଡ୍ ଟିମ୍ ପରବର୍ତ୍ତୀ କାର୍ଯ୍ୟାନୁଷ୍ଠାନ ପାଇଁ ପଦକ୍ଷେପ ଗ୍ରହଣ କରିଛି। ନିର୍ବାଚନୀ ପ୍ରକ୍ରିୟାରେ ଯାଞ୍ଚ ଚାଲିଥିବା ବେଳେ ଏତେ ସଂଖ୍ୟକ ଟଙ୍କା ମିଳିବାରେ ଏହା ଦ୍ବିତୀୟ ଘଟଣା।