ନୂଆଦିଲ୍ଲୀ : ୭୪ତମ ସାଧାରଣତନ୍ତ୍ର ଦିବସର ପୂର୍ବ ସଂଧ୍ୟାରେ କେନ୍ଦ୍ର ସରକାର ବୀରତା ପୁରସ୍କାର ଘୋଷଣା କରିଛନ୍ତି । ମୋଟ ୪୧୨ ଜଣ ସାମରିକ ଓ ପୁଲିସ କର୍ମୀଙ୍କୁ ଅତୁଳନୀୟ ସାହସ ପାଇଁ ଏହି ପୁରସ୍କାର ଦିଆଯିବ । ଏଥିରେ ୨ ସେନା ଏବଂ ୪ ଟି ଗୃହ ମନ୍ତ୍ରଣାଳୟ (ମରଣୋତ୍ତର ୪), ୭ ସେନା, ୫ ବାୟୁସେନା, ୩ ଗୃହ ମନ୍ତ୍ରଣାଳୟ (୨ ମରଣୋତ୍ତର), ୯୩ ସେନା ପଦକ (୪ ମରଣୋତ୍ତର ସମେତ) ଏବଂ ଗୋଟିଏ ସେନା ପଦକ ବାର୍, ୧ ନୌସେନା ପଦକ (ସାହସିକତା) ସମେତ ୬ ଟି କୀର୍ତ୍ତି ଚକ୍ର, ୭ ବାୟୁ ପଦକ (ସାହସିକତା), ୨୯ ପରମ ବିଶିଷ୍ଟ ସେବା ପଦକ ଅନ୍ତର୍ଭୁକ୍ତ ।
Sambad is now on WhatsApp
Join and get latest news updates delivered to you via WhatsApp
ମେଜର ଶୁଭାଙ୍ଗ ଓ ନାୟକ ଜିତେନ୍ଦ୍ର ସିଂଙ୍କୁ କୀର୍ତ୍ତିଚକ୍ରରେ ସମ୍ମାନିତ କରାଯିବ । ଭାରତୀୟ ତଟରକ୍ଷୀ ବାହିନୀର ମହାନିର୍ଦ୍ଦେଶକ ଭାରିନ୍ଦର ସିଂ ପଠାନିଆଙ୍କୁ ପରମ ବିଶିଷ୍ଟ ସେବା ପଦକ ପ୍ରଦାନ କରାଯାଇଥିଲା। ଚଳିତ ବର୍ଷ ମୋଟ ୨୯ ଜଣ ସେବାକାରୀ ଏବଂ ଅବସରପ୍ରାପ୍ତ ଅଧିକାରୀଙ୍କୁ ସେମାନଙ୍କର ବିଶିଷ୍ଟ ସେବା ପାଇଁ ପିଭିଏସଏମ ପ୍ରଦାନ କରାଯାଇଛି ।
ଚିନାର କର୍ପସ କମାଣ୍ଡର ଲେଫ୍ଟନାଣ୍ଟ ଜେନେରାଲ ଅମରଦୀପ ସିଂ ଅଜଲାଙ୍କୁ ଉତ୍ତମ ଯୁଦ୍ଧ ସେବା ପଦକ (ୟୁୱାଇଏସଏମ) ପ୍ରଦାନ କରାଯାଇଛି। ୩ କର୍ପସ୍ କମାଣ୍ଡର ଲେଫ୍ଟନାଣ୍ଟ ଜେନେରାଲ୍ ଆର.କେ. ତିୱାରୀ ଏବଂ ୧୪ କର୍ପସର ମୁଖ୍ୟ ଲେଫ୍ଟନାଣ୍ଟ ଜେନେରାଲ ଏ ସେନଗୁପ୍ତାଙ୍କୁ ମଧ୍ୟ ୟୁୱାଇଏସଏମ ପୁରସ୍କାର ପ୍ରଦାନ କରାଯିବ ।
୨୮ ଆର୍ମି ଡଗ୍ ୟୁନିଟ୍ ର ଭାରତୀୟ ସେନା କୁକୁର ‘ଜୁମ୍ ‘କୁ ମରଣୋତ୍ତର ଭାବେ ମେନସନ୍-ଇନ୍-ଡିସପାଚ୍ ସାହସିକତା ପୁରସ୍କାର ପ୍ରଦାନ କରାଯାଇଛି । ଗତ ବର୍ଷ ଅକ୍ଟୋବର ୯ ରେ ଜାମ୍ମୁ କାଶ୍ମୀରର ଅନନ୍ତନାଗ ଜିଲ୍ଲାର ଟାଙ୍ଗପାୱା ଅଞ୍ଚଳରେ ଏକ ଅପରେସନ୍ ସମୟରେ ଜୁମ୍ ଦୁଇଟି ଗୁଳିରେ ପ୍ରାଣ ହରାଇଥିଲା ।