ମହାରାଷ୍ଟ୍ର ରାଜନୀତିରେ ପୁଣି ନାଟକୀୟ ମୋଡ, ସୁପ୍ରିମକୋର୍ଟ ଶୁଣାଣି ପୂର୍ବରୁ ରାଜ୍ୟପାଳଙ୍କୁ ଭେଟିଲେ ଏନସିପି-କଂଗ୍ରେସ ଓ ଶିବସେନା
ମୁମ୍ବାଇ : ଆଜି ସମସ୍ତଙ୍କ ନଜର ସୁପ୍ରିମ କୋର୍ଟଙ୍କ ଉପରେ ରହିବ । କାରଣଆଉ କିଛି ସମୟପରେ ସୁପ୍ରିମକୋର୍ଟରେ ମହାରାଷ୍ଟ୍ର ମାମଲାର ଶୁଣାଣି ଆରମ୍ଭ ହେବ । ତେବେ ଏହାର ଠିକ ପୂର୍ବରୁ ଆଉ ଏକ ନାଟକୀୟ ଘଟଣା ଘଟିଛି । ଏନସିପି-କଂଗ୍ରେସ ଓ ଶିବସେନା ପକ୍ଷରୁ ଏକ ପ୍ରତିନିଧିମଣ୍ଡଳ ମହାରାଷ୍ଟ୍ର ରାଜଭବନ ଯାଇ ରାଜ୍ୟପାଳଙ୍କୁ ଆବଶ୍ୟ ବିଧାୟକଙ୍କ ସମର୍ଥନ ଥିବା ଏକ ପତ୍ର ପ୍ରଦାନ କରିଛନ୍ତି । ଏଥିରେ ତିନିଦଳର ମୋଟ ପ୍ରାୟ ୧୪୦ରୁ ଅଧିକ ବିଧାୟକଙ୍କ ସ୍ୱାକ୍ଷର ଥିବା କୁହାଯାଉଛି ।
Sambad is now on WhatsApp
Join and get latest news updates delivered to you via WhatsApp
ଅନ୍ୟପକ୍ଷରେ ବିଦ୍ରୋହୀ ଏନସିପି ନେତା ଅଜିତ ପାଓ୍ଵାରଙ୍କୁ ବୁଝାଇବାକୁ ଯାଇଥିବା ବରିଷ୍ଠ ଏନସିପି ନେତା ଛଗନ ଭୁଜବଳ ବିଫଳ ହୋଇ ଫେରିଆସିଛନ୍ତି । ଅଜିତଙ୍କୁ ବୁଝାଇସୁଝାଇ ଫେରାଇ ଆଣିବାକୁ ଛଗନଙ୍କୁ କିଛିସମୟ ପୂର୍ବେ ଅଜିତଙ୍କ ଚର୍ଚ୍ଚଗେଟ ସ୍ଥିତ ବାସଭବନକୁ ପଠାଯାଇଥିଲା । ଏନସିପି ଶିବିରକୁ ଫେରିବାକୁ ଅଜିତ ମନାକରିଦେଇଛନ୍ତି ବୋଲି ଜଣାଯାଇଛି । ଶନିବାର ଦିନ ସକାଳେ ଅଜିତ କେତେକ ବିଦ୍ରୋହୀ ବିଧାୟକଙ୍କ ସହ ମହାରାଷ୍ଟ୍ର ଉପ-ମୁଖ୍ୟମନ୍ତ୍ରୀଭାବେ ଶପଥ ନେଇଥିଲେ ।