ଦାଉଦ ଗୋଷ୍ଠୀର ୫ ଜଣଙ୍କୁ ଧରିଲା ମୁମ୍ବାଇ କ୍ରାଇମ୍ ବ୍ରାଞ୍ଚ
ମୁମ୍ବାଇ: ଜବରଦସ୍ତ ଅର୍ଥ ଆଦାୟ (ଏକ୍ସଟର୍ସନ) ମାମଲାରେ ମୁମ୍ବାଇ କ୍ରାଇମ୍ ବ୍ରାଞ୍ଚର ଆଣ୍ଟି-ଏକ୍ସଟର୍ସନ ସେଲ ସୋମବାର ଅଣ୍ଡରୱାର୍ଲଡ ଡନ୍ ଦାଉଦ ଇବ୍ରାହିମ୍ ଗୋଷ୍ଠୀର ୫ ଜଣ ସଦସ୍ୟଙ୍କୁ ଗିରଫ କରିଛି। ଏହା ପୂର୍ବରୁ ମୁମ୍ବାଇ ପୁଲିସ ଗ୍ୟାଙ୍ଗଷ୍ଟର ଛୋଟା ସକିଲର ଭିଣେଇ ସଲିମ କ୍ୟୁରେସି ଓରଫ ସଲିମ ଫ୍ରୁଟ ଏବଂ ଦାଉଦର ଘନିଷ୍ଠ ସହଯୋଗୀ ରିଆଜ ଭାଟିକୁ ଗିରଫ କରିଥିଲା।
Sambad is now on WhatsApp
Join and get latest news updates delivered to you via WhatsApp
ସେମାନଙ୍କୁ ଜେରା କରିବା ଓ ବୟାନ ରେକର୍ଡ କରାଇନେବା ପରେ ଏହି ୫ ଜଣଙ୍କ ବିଷୟରେ ପୁଲିସ ସୂଚନା ପାଇଥିଲା। ମୁମ୍ବାଇର ଅନ୍ଧେରୀ ଅଞ୍ଚଳରୁ ସେମାନଙ୍କୁ ଗିରଫ କରାଯାଇଛି। ମଙ୍ଗଳବାର ସେମାନଙ୍କୁ କୋର୍ଟରେ ହାଜର କରାଯାଇଛି। ଏହାପରେ ଆହୁରି ଅଧିକ ଲୋକଙ୍କୁ ଗିରଫ କରାଯିବାର ସମ୍ଭାବନା ଅଛି ବୋଲି ପୁଲିସ ପ୍ରକାଶ କରିଛି।