ନିର୍ବାଚନୀ ବଣ୍ଡକୁ ନେଇ କେନ୍ଦ୍ର ସରକାରଙ୍କୁ ଟାର୍ଗେଟ କଲେ ପ୍ରିୟଙ୍କା ଗାନ୍ଧୀ
ନୂଆଦିଲ୍ଲୀ: କଂଗ୍ରେସ ନେତ୍ରୀ ପ୍ରିୟଙ୍କା ଗାନ୍ଧୀ ଭଦ୍ରା ନିର୍ବାଚନ ବଣ୍ଡକୁ ନେଇ ବିଜେପିକୁ ଟାର୍ଗେଟ କରିଛନ୍ତି। ସେ କହିଛନ୍ତି ଯେ ନିର୍ବାଚନ ବଣ୍ଡ ଜରିଆରେ ୩୮ଟି କର୍ପୋରେଟ କମ୍ପାନୀ ବିଜେପିକୁ ୨୦୦୪ କୋଟି ଟଙ୍କା ଦାନ କରିଛନ୍ତି। ପ୍ରିୟଙ୍କା ଅଭିଯୋଗ ଆଣିଛନ୍ତି ଯେ ଦେଶର ଇତିହାସରେ ଏମିତି କେଉଁ ସରକାର ଦୁର୍ନୀତିକୁ ଆଇନଗତ ବୈଧତା ଦେଇନଥିଲେ | ଯାହାକି ବିଜେପି ସରକାର କରିଛନ୍ତି | ପ୍ରିୟଙ୍କା ଗାନ୍ଧୀ ଭଦ୍ରା ଏକ୍ସରେ ଏକ ପୋଷ୍ଟ କରି ବିଜେପିକୁ ଟାର୍ଗେଟ କରିଥିଲେ। ସେ କହିଛନ୍ତି ଯେ ୩୮ଟି କର୍ପୋରେଟ୍ ଗୋଷ୍ଠୀ ନିର୍ବାଚନ ବଣ୍ଡ ମାଧ୍ୟମରେ ବିଜେପିକୁ ୨୦୦୪ କୋଟି ଟଙ୍କା ଦାନ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଏହାର ପ୍ରତିବଦଳରେ କେନ୍ଦ୍ର ଓ ରାଜ୍ୟ ସରକାରଙ୍କ ଠାରୁ ୩.୮ ଲକ୍ଷ କୋଟି ଟଙ୍କା ମୂଲ୍ୟର ଚୁକ୍ତିନାମା / ପ୍ରକଳ୍ପ ପାଇଛନ୍ତି । ଇଡି, ସିବିଆଇ ଏବଂ ଆଇଟି ୪୧ କର୍ପୋରେଟ୍ ଗୋଷ୍ଠୀ ଉପରେ ଚଢ଼ାଉ କରିଥିଲେ। ଏହାକୁ ଏଡାଇବା ପାଇଁ ଏହି ଗୋଷ୍ଠୀମାନେ ବିଜେପିକୁ ୨୫୯୨ କୋଟି ଟଙ୍କା ଦାନ କରିଛନ୍ତି। ସେ ଆହୁରି ମଧ୍ୟ କହିଛନ୍ତି ଯେ ୧୬ଟି କମ୍ପାନୀ ବିଜେପିକୁ ୪୧୯ କୋଟି ଟଙ୍କା ଦାନ କରିଛନ୍ତି। ଏଥିମଧ୍ୟରେ ଏମିତି କିଛି କମ୍ପାନୀ ମଧ୍ୟ ଅଛନ୍ତି ଯାହାକି ସେମାନଙ୍କର ମୋଟ ପୁଞ୍ଜିର ଅନେକ ଗୁଣ ଦାନ କରିଥିଲେ | ଦେଶର ଇତିହାସରେ ଏହା କେବେ ହୋଇ ନାହିଁ ଯେ କୌଣସି ସରକାର ଦୁର୍ନୀତିକୁ ଆଇନଗତ ବୈଧତା ପ୍ରଦାନ କରନ୍ତି ଏବଂ ଦେଶର ସମସ୍ତ ଏଜେନ୍ସି ଏବଂ ସମଗ୍ର ସିଷ୍ଟମକୁ ଏକ ରାକେଟରେ ପରିଣତ କରନ୍ତି। ପ୍ରଧାନମନ୍ତ୍ରୀ ଏହି ଲୁଟର ହିସାବ ଦେଶର ଲୋକଙ୍କୁ ଦେବେ କି?