ମୋଦିଙ୍କ ଶପଥ ସମାରୋହକୁ କାହିଁକି ବର୍ଜନ କଲେ ଶରଦ ପାଓ୍ଵାର ?

ନୂଆଦିଲ୍ଲୀ : ଗତ ମେ ୩୦ ତାରିଖରେ ମୋଦି ସରକାରଙ୍କ ଶପଥଗ୍ରହଣ ଉତ୍ସବକୁ ଏନସିପିର ବରିଷ୍ଠ ନେତା ଶରଦ ପାଓ୍ଵାରଙ୍କ ବର୍ଜନକୁ ନେଇ ଏକ ରୋଚକ ତଥ୍ୟ ସାମନାକୁ ଆସିଛି । ଶପଥ ସମାରୋହରେ ୫ମ ଧାଡ଼ିରେ ଆସନ ଦିଆଯିବାକୁ ପ୍ରତିବାଦ କରି ପାଓ୍ଵାର ବର୍ଜନ କରିଥିବା ଗଣମାଧ୍ୟମରେ ଖବର ପ୍ରକାଶ ପାଇଥିଲା । ଏକଥା ଏନସିପି ପକ୍ଷରୁ ମଧ୍ୟ ସ୍ପଷ୍ଟ କରାଯାଇଥିଲା । ଦଳ ପକ୍ଷରୁ କୁହାଯାଇଥିଲା ଯେ ଶରଦ ପାଓ୍ଵାର ଜଣେ ପୂର୍ବତନ ମୁଖ୍ୟମନ୍ତ୍ରୀ, କେନ୍ଦ୍ର ପ୍ରତିରକ୍ଷାମନ୍ତ୍ରୀ ଓ କୃଷିମନ୍ତ୍ରୀ, କିନ୍ତୁ ତାଙ୍କ ପାଇଁ ସିଟ ଆବଣ୍ଟନ କରିବା ବେଳେ ପ୍ରୋଟକଲକୁ ପାଳନ କରାଯାଇନଥିଲା ।

 

At the swearing-in ceremony on May 30, Mr Sharad Pawar was invited to the “V section”, where the most senior guests sat. Even within “V”, he had a labelled first row seat. Somebody in his office may have confused V (for VVIP) for the Roman V (five) https://t.co/pY6WaqlfQ3

— Ashok Malik (@MalikAshok) June 5, 2019

ତେବେ ଏହାକୁ ରାଷ୍ଟ୍ରପତି ଭବନ ପକ୍ଷରୁ ଆଜି ଖଣ୍ଡନ କରାଯାଇଛି । ରାଷ୍ଟ୍ରପତିଙ୍କ ପ୍ରେସ ସଚିବ ଅଶୋକ ମଲ୍ଲିକ କହିଛନ୍ତି ଯେ ପାଓ୍ଵାରଙ୍କୁ ଭି (V) ସେକ୍ସନରେ ବ୍ୟବସ୍ଥା କରାଯାଇଥିଲା । ଏହି ସେକ୍ସନରେ ସବୁଠାରୁ ଗୁରୁତ୍ୱପୂର୍ଣ୍ଣ ବ୍ୟକ୍ତିମାନଙ୍କ ବସିବାର ବ୍ୟବସ୍ଥା କରାଯାଏ । କିନ୍ତୁ ବୋଧହୁଏ ‘V’ କୁ ତାଙ୍କ ଦଳର ଲୋକମାନେ ୫ ବୋଲି ଭାବିଲେ ।