ସିଂହପୁର: ବିଂଝାରପୁର ବ୍ଲକ୍ ଅନ୍ତର୍ଗତ ଓଳେଇ ଚନ୍ଦନପୁର ସରକାରୀ ହାଇସ୍କୁଲରେ ଶିକ୍ଷକ ଅଭାବରୁ ପାଠପଢ଼ା ବିପର୍ଯ୍ୟସ୍ତ ହୋଇପଡ଼ିଛି। ଏହି ବିଦ୍ୟାଳୟ ୧୯୮୧ ମସିହାରେ ପ୍ରତିଷ୍ଠା ହୋଇଥିଲା। ବର୍ତ୍ତମାନ ଏହାକୁ ୫-ଟି ଯୋଜନାରେ ଅନ୍ତର୍ଭୁକ୍ତ କରାଯାଇଛି। ବିଦ୍ୟାଳୟର ଭିତ୍ତିଭୂମି ରୂପାନ୍ତରିତ ହୋଇଥିଲେ ମଧ୍ୟ ଶିକ୍ଷକ ଅଭାବରୁ ପିଲାଙ୍କ ପାଠପଢ଼ା ବାଧାପ୍ରାପ୍ତ ହୋଇପଡ଼ିଛି।
Sambad is now on WhatsApp
Join and get latest news updates delivered to you via WhatsApp
ବିଦ୍ୟାଳୟର ବିଜ୍ଞାନ, ସାହିତ୍ୟ ଓ ହିନ୍ଦୀ ଶିକ୍ଷକ ପଦବି ଖାଲି ପଡ଼ିଛି। ଗତ ୩୧ ତାରିଖରେ ସ୍କୁଲ୍ର ପ୍ରଧାନଶିକ୍ଷକ ମଧ୍ୟ ଅବସର ନେଇଛନ୍ତି। ତୁରନ୍ତ ପ୍ରଧାନଶିକ୍ଷକ ଓ ଅନ୍ୟ ଖାଲି ପଡ଼ିଥିବା ସହକାରୀ ଶିକ୍ଷକ ନିଯୁକ୍ତି କରିବାକୁ ଛାତ୍ରଛାତ୍ରୀ ଓ ସେମାନଙ୍କ ଅଭିଭାବକ ଜିଲ୍ଲା ଶିକ୍ଷାଧିକାରୀଙ୍କ ନିକଟରେ ଦାବି କରିଛନ୍ତି।