ପ୍ରିଆକ୍ଟିଭ୍ ସିମ୍ ମାମଲା: ବ୍ୟାଙ୍କ ଆକାଉଣ୍ଟରୁ ମିଳିଲା ୧୦ ଲକ୍ଷ
କଟକ : ପ୍ରିଆକ୍ଟିଭ୍ ସିମକାର୍ଡ ମାମଲାରେ କଟକ ସାଇବର୍ ଥାନା ରିମାଣ୍ଡରେ ଆଣିଥିବା ଦୁଇ ସାଇବର୍ ଅପରାଧୀଙ୍କ ଏଜେଣ୍ଟ ବିଶ୍ବଜିତ ପ୍ରଧାନ ଓ ଜ୍ଞାନ ରଞ୍ଜନ ପାତ୍ର ଓରଫ ଜ୍ଞାନର ବ୍ୟାଙ୍କ ଆକାଉଣ୍ଟରୁ ୧୦ ଲକ୍ଷ ଟଙ୍କା ଜବତ ହୋଇଛି। ଗଲା ୮ ମାସ ମଧ୍ୟରେ ଜ୍ଞାନର ବ୍ୟାଙ୍କ ଆକାଉଣ୍ଟରେ ୯ ଲକ୍ଷ ଟଙ୍କା କାରବାର ହୋଇଛି। ଏହି ଟଙ୍କା ଗୌହାଟୀରୁ ଆସିଛି। ସେହିଭଳି ବିଶ୍ବଜିତର ବ୍ୟାଙ୍କ ଆକାଉଣ୍ଟରେ ଏକ ଲକ୍ଷ ଟଙ୍କା କାରବାର ହୋଇଛି। ଏହି ଟଙ୍କା ଦିଲ୍ଲୀରୁ ଆସିଛି। ଏମାନେ ୧୪୦ ଟଙ୍କାରେ ପୁରୀରେ ସିମ୍ କିଣିବା ପରେ ଏହାକୁ ଦିଲ୍ଲୀ ଓ ଆସାମର ଦୁଇ ସାଇବର୍ ଏଜେଣ୍ଟଙ୍କୁ ୨୦୦ ଟଙ୍କାରେ ବିକ୍ରି କରୁଥିବା ରିମାଣ୍ଡ ସମୟରେ ପୁଲିସକୁ ସୂଚନା ଦେଇଛି।
Sambad is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ, ପୁରୀରୁ ଗିରଫ ହୋଇଥିବା ସାଇବର୍ ଅପରାଧୀଙ୍କ ୮ ଜଣ ଏଜେଣ୍ଟଙ୍କୁ କଟକ ସାଇବର୍ ଥାନା ପୁଲିସ ଗିରଫ କରିବା ପରେ ବୁଧବାରଠାରୁ ଦୁଇ ଦିନିଆ ରିମାଣ୍ଡରେ ଜ୍ଞାନ ଓ ବିଶ୍ବଜିତଙ୍କୁ ଆଣିଥିଲା। ଗୁରୁବାର ରିମାଣ୍ଡ ଅବଧି ଶେଷ ହେବା ପରେ ସେମାନଙ୍କୁ ଚୌଦ୍ବାର ସର୍କଲ ଜେଲକୁ ପଠାଇ ଦିଆଯାଇଛି।