ଘଟଗାଁ: କେନ୍ଦୁଝର ଜିଲ୍ଲା ଘଟଗାଁ ଥାନା ଅନ୍ତର୍ଗତ ତରା-ବାର୍ହାଟିପୁରା ରାସ୍ତାର ନାକଝରିଠାରେ ଏକ ଟାଟାଏସି ଗାଡ଼ି ବରଗଛରେ ପିଟି ହେବାରୁ ୨ଜଣଙ୍କ ମୃତ୍ୟୁ ଘଟିଥିବା ବେଳେ ୭ଜଣ ଗୁରୁତର ହୋଇଛନ୍ତି। ମୃତକମାନେ ହେଲେ ଝାଡ଼ଖଣ୍ଡ ଜାମୁନଗରର ସୟଦ ଖାଁ (୪୨) ଓ ନିକଟସ୍ଥ ବୀଣାଝରି ଗ୍ରାମର ଅଭିମନ୍ୟୁ ପାତ୍ର (୫୩)।
Sambad is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ ଘଟଗାଁ ଅଞ୍ଚଳର ଆଇସକ୍ରିମ୍ ବ୍ୟବସାୟୀ ସୁଦାମ ଚରଣ ଜେନା ନିଜ କର୍ମଚାରୀଙ୍କୁ ନେଇ କାଳିମାଟି ଡ୍ୟାମ୍କୁ ଭୋଜି କରିବାକୁ ଯାଇଥିଲେ। ଅପରାହ୍ଣରେ ଭୋଜି ସାରି ଘଟଗାଁ ଫେରୁଥିବା ବେଳେ ତରା-ବାର୍ହାଟିପୁରା ରାସ୍ତାରେ ଭାରସାମ୍ୟ ହରାଇ ଟାଟାଏସି ଗାଡ଼ିଟି ରାସ୍ତାକଡ଼ରେ ଏକ ବରଗଛରେ ଧକ୍କା ହେଇଥିଲା। ଘଟଣାସ୍ଥଳରେ ସୟଦ ଓ ଅଭିମନ୍ୟୁଙ୍କ ମୃତ୍ୟୁ ଘଟିଥିଲା। ଗୁରୁତରମାନେ ହେଲେ ଭଦ୍ରକର ରଂଜନ ନାଥ (୪୫), ଶଙ୍ଖଣାର ରାହୁଲ ନାଏକ (୩୦), ମୁକୁନ୍ଦପୁରପାଟଣାର ରୁଦ୍ର ନାଏକ (୨୪), ତୀର୍ଥ ନାଏକ, ଟିକୁ କୁମାର, ରୁଦ୍ର ପଲେଇ ଓ ସୁଦାମ ଚରଣ ଜେନା।