ବାଇକ୍ ଦୁର୍ଘଟଣାରେ ଶିଶୁ ମୃତ, ବାପା-ମା’ ଗୁରୁତର
ଧର୍ମଗଡ଼: କଳାହାଣ୍ଡି ଜିଲ୍ଲା ଧର୍ମଗଡ଼ ବ୍ଲକ ମିର୍ଜାପୁର୍ ବିଜୁ ଏକ୍ସପ୍ରେସ ୱେରେ ଏକ ବାଇକ୍ ଦୁର୍ଘଟଣା ଘଟି ୭ ମାସର ଶିଶୁର ମୃତ୍ୟୁ ହୋଇଥିବା ବେଳେ ମା’-ବାପା ଗୁରୁତର ହୋଇଛନ୍ତି। ସୁବର୍ଣ୍ଣପୁର ଜିଲ୍ଲା ବିନିକା ଅଞ୍ଚଳର ସୋହେବ ଶବର ପରିବାର ସହ ଧର୍ମଗଡ଼ ବେହେରାରେ ରହୁଛନ୍ତି।
Sambad is now on WhatsApp
Join and get latest news updates delivered to you via WhatsApp
ରବିବାର ସନ୍ଧ୍ୟାରେ ଜୁନାଗଡ଼ରୁ ବେହେରାକୁ ପତ୍ନୀ ଓ ଛୁଆଙ୍କୁ ଧରି ଆସୁଥିବା ବେଳେ ବିର୍ଜାପୁର ନିକଟରେ ପଛପଟୁ ଆସୁଥିବା ଏକ ହାଇୱା (ଓଡ଼ି ୦୮କେ-୩୪୩୭) ଧକ୍କା ଦେଇଥିଲା। ଏଥିରେ ୩ ଜଣ ଛିଟିକି ପଡ଼ିଥିଲେ। ସ୍ଥାନୀୟ ଲୋକ ସେମାନଙ୍କୁ ଉଦ୍ଧାର କରି ପର୍ଲା ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ। ଡାକ୍ତର ଶିଶୁକୁ ମୃତ ଘୋଷଣା କରିଥିଲେ। ପ୍ରାଥମିକ ଚିକିତ୍ସା ପରେ ସ୍ବାମୀ-ସ୍ତ୍ରୀଙ୍କୁ ଧର୍ମଗଡ଼ ସ୍ବାସ୍ଥ୍ୟକେନ୍ଦ୍ରକୁ ସ୍ଥାନାନ୍ତର କରାଯାଇଛି। କୋକସରା ଓ ଆମପାଣି ପୁଲିସ୍ ପହଞ୍ଚି ତଦନ୍ତ ଜାରି ରଖିଛନ୍ତି।