ଗ୍ରାମରକ୍ଷୀ ଓ ୩ ଗ୍ରାମବାସୀଙ୍କୁ ଅପହରଣ କଲେ ମାଓବାଦୀ: ରାତି ଅଧରେ ଘରୁ ଡାକି ନେଇ ଅଟକ ରଖିଲେ
ଭବାନୀପାଟଣା: ପୁଣି ମାତିଲେ ମାଓବାଦୀ। ଗତକାଲି ରାତିରେ କଳାହାଣ୍ଡି ଜିଲ୍ଲାର ବିଜେପୁର ଥାନା ତ୍ରିଲୋଚନପୁର ପଞ୍ଚାୟତ ଅନ୍ତର୍ଗତ ଲାଖପଦର ଗାଁରୁ ଜଣେ ଗ୍ରାମରକ୍ଷୀ ଓ ୩ ଗ୍ରାମବାସୀଙ୍କୁ ମାଓବାଦୀଙ୍କ ଅପହରଣ ନେଇଥିବା ସୂଚନା ମିଳିଛି।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ଗତକାଲି ରାତିରେ ତ୍ରିଲୋଚନପୁର ପଞ୍ଚାୟତ ଲାଖପଦର ଗାଁକୁ ୧୦ରୁ ୧୨ଜଣ ମାଓବାଦୀ ଆସିଥିଲେ। ଘରେ ଶୋଇଥିବା ସମୟରେ ଗ୍ରାମରକ୍ଷୀ କ୍ଷେତ୍ର ହରିଜନ ଓ ତିନି ଜଣ ଗ୍ରାମବାସୀ ବିଶିକେସନ୍ ନାୟକ, ରାଜୁ ନାଏକ ଓ ସୁନା ହରିଜନଙ୍କୁ ମାଓବାଦୀମାନେ ଡାକି ନେଇଥିଲେ। କିଛି ସମୟରେ ପରେ ସେମାନେ ଆଉ ଘରକୁ ଫେରି ନଥିଲେ। ତେବେ ମାଓବାଦୀମାନେ ଜଣେ ଗ୍ରାମରକ୍ଷୀ ଓ ଗ୍ରାମବାସୀଙ୍କୁ ଅପହରଣ କରି ନେଇଥିବା ନେଇ ଦକ୍ଷିଣାଞ୍ଚଳ ଡିଆଇଜି ଏସ୍.ସାଇନି ସୂଚନା ଦେଇଛନ୍ତି।
କେଉଁ କାରଣରୁ ମାଓବାଦୀମାନେ ଏହି ଜଣଙ୍କୁ ଅପହରଣ କରିନେଇଛନ୍ତି ସେ ନେଇ ସବିଶେଷ ସୂଚନା ମିଳିନାହିଁ। ଏ ନେଇ ମାଓବାଦୀଙ୍କ ପକ୍ଷରୁ ମଧ୍ୟ କୌଣସି ସୂଚନା ଦିଆଯାଇନାହିଁ।