ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବୁଧବାର କହିଛନ୍ତି ଯେ ଏହା ଏକ ନୂଆ ଭାରତ ଏବଂ ଏହି ଭାରତ ଆତଙ୍କବାଦର କ୍ଷତକୁ ସହିବ ନାହିଁ। ନ୍ୟୁଜ୍ ୧୮ ପକ୍ଷରୁ ଆୟୋଜିତ ରାଇଜିଂ ଇଣ୍ଡିଆ ସମିଟରେ ଉଦବୋଧନ ଦେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଥିଲେ ୫ ବର୍ଷ ପୂର୍ବେ ଏହି ରାଇଜିଂ ଇଣ୍ଡିଆ ସମିଟରେ ଆମେ ଶାନ୍ତଭାବେ ବସିଥିଲୁ, ସେପଟେ ଦେଶ ବାଲାକୋଟ୍ ସର୍ଜିକାଲ ଷ୍ଟ୍ରାଇକ୍ ପାଇଁ ପ୍ରସ୍ତୁତ ହେଉଥିଲା ।
Sambad is now on WhatsApp
Join and get latest news updates delivered to you via WhatsApp
ପ୍ରଧାନମନ୍ତ୍ରୀ ମୋଦୀ ଆହୁରି କହିଛନ୍ତି ଯେ କେବଳ ଏକ ସୁରକ୍ଷିତ ଭାରତ ହିଁ ଏକ ବିକଶିତ ରାଷ୍ଟ୍ରର ଆଧାର ହୋଇପାରିବ । ଏହା ହେଉଛି ଭାରତର ପରିଚୟ ଏବଂ ଏହା ହେଉଛି ଉଦୀୟମାନ ଭାରତ । ପାକିସ୍ତାନର ନାମ ନ ନେଇ ସେ କହିଛନ୍ତି ଯେ ନୂଆ ଭାରତ ମଧ୍ୟ ଶିକ୍ଷା ଶିଖାଉଛି। ଯେଉଁମାନେ ଆତଙ୍କୀ ଆକ୍ରମଣ କରି ଆମକୁ ଆଘାତ ଦେଉଥିଲେ, ସେମାନଙ୍କ ଅବସ୍ଥା କ’ଣ ତାହା ଆମେ ଓ ସାରା ବିଶ୍ବ ଦେଖୁଛି ।
ଦୁର୍ନୀତି ସମ୍ପର୍କରେ ସେ କହିଛନ୍ତି , ଆଜି ସରକାରୀ କାର୍ଯ୍ୟାଳୟଗୁଡ଼ିକ ସେବା କେନ୍ଦ୍ରରେ ପରିଣତ ହୋଇଛି। ପୂର୍ବରୁ ସରକାରୀ କାର୍ଯ୍ୟାଳୟଗୁଡ଼ିକ କ୍ଷମତା କେନ୍ଦ୍ରରେ ପରିଣତ ହୋଇଥିଲା । ପୂର୍ବରୁ ୨ଜି କ୍ରୟକୁ ନେଇ ବଡ଼ ଧରଣର ଦୁର୍ନୀତି ହୋଇଥିଲା। ପୂର୍ବ ସରକାରଙ୍କ ଅମଳରେ ବଡ଼ ବଡ଼ ଦୁର୍ନୀତି ହେଉଥିଲା । ସାଂସଦଙ୍କ ଘରୁ ବିଡ଼ା ବିଡ଼ା ନୋଟ ବାହାରୁଥିଲା । କିନ୍ତୁ ଆଜି ସରକାର ଦୁର୍ନୀତି ଉପରେ କାର୍ଯ୍ୟାନୁଷ୍ଠାନ ନେଉଛନ୍ତି।