ଏହି ଛୋଟ ବିମାନରେ ବିଶ୍ୱ ପରିକ୍ରମା କରିବେ ମା-ଝିଅ
୮୦ ଦିନରେ ଉଡିବେ ୫୫ହଜାର କିମି
ବାଙ୍ଗାଲୋର: ଗୋଟିଏ ଛୋଟ ବିମାନରେ ଏକୁଟିଆ ସାରା ବିଶ୍ୱ ପରିକ୍ରମା କରିବେ ମା ଝିଅ । ବାଙ୍ଗାଲୋରର ସୌଖିନ ପାଇଲଟ୍ ଅଡ୍ରେ ଦୀପିକା ମେବେନ ଓ ତାଙ୍କର ୧୯ ବର୍ଷିଆ ଝିଅ ଆମି ମେହେଟା ଏହି କାରନାମା କରିବାକୁ ଅଣ୍ଟା ଭିଡିଛନ୍ତି । ମହିଳା ସଶକ୍ତିକରଣ ବାର୍ତ୍ତା ପ୍ରଚାର ପାଇଁ ସେମାନେ ଏହି ଯାତ୍ରା କରିବେ ।
Sambad is now on WhatsApp
Join and get latest news updates delivered to you via WhatsApp
ସେମାନେ ମାହି ନାମକ ଏକ ମାଇକ୍ରୋଲାଇଟ୍ ବିମାନରେ ନିଜର ଯାତ୍ରା ଆରମ୍ଭ କରିବେ। ଏହି ବିମାନରେ ଦୁଇଟି ଇନ୍ଧନ ଟାଙ୍କି ରହିଛି, ପ୍ରତି ଟାଙ୍କିରେ ୩୦ ଲିଟର ଇନ୍ଧନ ରହିପାରିବ । ଥରକେ ପ୍ରାୟ ୪.୫ ଘଣ୍ଟା ଉଡ଼ି ପାରିବ ଏହି ବିମାନ । ଉଭୟେ କେବଳ ଦିନରେ ଉଡାଣ ଭରିବେ ।
ଆସନ୍ତା ଫେବ୍ରୁଆରି ୨୦୧୮ରୁ ସେମାନେ ଏହି ଯାତ୍ରା ବାଙ୍ଗାଲୋରର ଜାକୁର ଏରୋଡ୍ରୋମ୍ରୁ ଆରମ୍ଭ କରିବେ । ଉଭୟେ ଦକ୍ଷିଣ-ପୂର୍ବ ଏସିଆ, ଜାପାନ, ଋଷିଆ, ଆଲାସ୍କା, ଉତ୍ତର-ଆମେରିକା, ୟୁରୋପ, ତେହେରାନ, ଆଫଗାନିସ୍ତାନ ଓ ପାକିସ୍ତାନ ଦେଇ ଉଡିବା ପରେ ଭାରତରେ ପହଞ୍ଚିବେ । ଏହି ୮୦ ଦିନିଆ ଉଡାଣରେ ସେମାନେ ପ୍ରାୟ ୫୪ଟି ଲାଣ୍ଡିଂ କରିବେ ।