ଦିଲ୍ଲୀରେ ଗୋଟିଏ ଦିନରେ ରେକର୍ଡ ୧୧୨ ମିଲିମିଟର ବର୍ଷା, ୧୯ ବର୍ଷର ରେକର୍ଡ ଭାଙ୍ଗିଲା
ନୂଆଦିଲ୍ଲୀ : ଗତ ୨୯ ତାରିଖରେ ବଙ୍ଗୋପସାଗରରେ ସୃଷ୍ଟି ହୋଇଥିବା ଲଘୁଚାପ ଓଡ଼ିଶା ଅତିକ୍ରମ କରିବା ପରେ ଏବେ ମଧ୍ୟ ଭାରତରେ ରହିଛି । ଏହି ଲଘୁଚାପ ଯୋଗୁଁ ଓଡ଼ିଶାରେ ସେତେଟା ବର୍ଷା ହୋଇନଥିଲେ ବି ମଧ୍ୟ-ଭାରତ ଓ ଉତ୍ତର-ଭାରତରେ ପ୍ରବଳ ବର୍ଷା କରାଇଛି ।
Sambad is now on WhatsApp
Join and get latest news updates delivered to you via WhatsApp
ସେପ୍ଟେମ୍ବର ୧ରେ ଦିଲ୍ଲୀରେ ଗତ ୨୪ ଘଣ୍ଟାରେ ଏତେ ଅଧିକ ବର୍ଷା ହୋଇଛି ଯେ ତାହା ଗତ ୧୯ ବର୍ଷର ରେକର୍ଡ ଭାଙ୍ଗି ଦେଇଛି । ମଙ୍ଗଳବାର ସକାଳ ସାଢେ ୮ଟାରୁ ବୁଧବାର ସକାଳ ସାଢେ ୮ଟା ମଧ୍ୟରେ ଦିଲ୍ଲୀରେ ୧୧୨ ମିଲିମିଟର ବର୍ଷା ହୋଇଛି । ତେବେ ସେପ୍ଟେମ୍ବର ମାସର ଗୋଟିଏ ଦିନରେ ଦିଲ୍ଲୀରେ ହୋଇଥିବା ସର୍ବାଧିକ ବର୍ଷାର ରେକର୍ଡ ଏବେ ବି ଅତୁଟ ରହିଛି । ୧୯୦୪, ମସିହା ସେପ୍ଟେମ୍ବର ୧୬ରେ ଦିଲ୍ଲୀରେ ୧୭୬.୫ ମିଲିମିଟର ବର୍ଷା ହୋଇଥିଲା । ସେହିପରି ସମଗ୍ର ସେପ୍ଟେମ୍ବର ମାସରେ ଦିଲ୍ଲୀରେ ହାରାହାରି ୧୨୯.୮ ମିଲିମିଟର ବର୍ଷା ହୋଇଥାଏ । ଏପରିକି ୨୦୨୦ ସେପ୍ଟେମ୍ବର ମାସରେ ଦିଲ୍ଲୀରେ ମାତ୍ର ୨୦.୮ ମିଲି ବର୍ଷା ହୋଇଥିଲା । ଏଥିରୁ ଅନୁମେୟ ଯେ ଦିଲ୍ଲୀରେ ଗତ ୨୪ ଘଣ୍ଟାରେ କେତେ ବର୍ଷା ହୋଇଛି ।
କେବଳ ଦିଲ୍ଲୀ ନୁହେଁ, ମୁମ୍ବାଇରେ ବି ଗତ ୨୪ ଘଣ୍ଟାରେ ( ବୁଧବାର ସକାଳ ସାଢେ ୮ଟା ସୁଦ୍ଧା ) ୧୦୮ ମିଲି ବର୍ଷା ରେକର୍ଡ କରାଯାଇଛି ।