ସୀମା ସେପଟେ ଚୀନ ସେନା ନିୟମିତ ଯୁଦ୍ଧାଭ୍ୟାସ କରୁଛି : ଭାରତୀୟ ସେନା
ନୂଆଦିଲ୍ଲୀ : ଚୀନ ପଟୁ ଭାରତ ପ୍ରତି ବିପଦ ଆଶଙ୍କା ଦିନକୁ ଦିନ ବଢିଚାଲିଛି । ତିବ୍ବତ ସ୍ବୟଂଶାସିତ ଅଂଚଳରେ ଚୀନ ସେନାର ସମରାଭ୍ୟାସ ଏକ ନିୟମିତ ଘଟଣାରେ ପରିଣତ ହେଲାଣି ବୋଲି ଭାରତୀୟ ସେନାର ଜଣେ ବରିଷ୍ଠ ଅଧିକାରୀ କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଅରୁଣାଚଳ ପ୍ରଦେଶର ଏକ ସୀମାନ୍ତବର୍ତ୍ତୀ ଅଞ୍ଚଳରୁ ପୂର୍ବାଞ୍ଚଳ ସେନା କମାଣ୍ଡର ଲେପ୍ଟନାଣ୍ଟ ଜେନେରାଲ ମନୋଜ ପାଣ୍ଡେ କହିଛନ୍ତି ଯେ ସୀମା ସେପଟେ ଚୀନ ସେନାର କାର୍ଯ୍ୟକଳାପ ପୂର୍ବାପେକ୍ଷା ଅନେକ ଗୁଣରେ ବଢିଯାଇଛି । ପିଏଲଏର କିଛି ରିଜର୍ଭ ବାଟାଲିୟନ ମଧ୍ୟ ସୀମାବର୍ତ୍ତୀ ଇଲାକା ନିକଟରେ ରହିଛନ୍ତି । ଅନ୍ୟପକ୍ଷରେ ସୀମାର ଦୁଇପଟେ ଦୁଇଦେଶ ପକ୍ଷରୁ ଭିତ୍ତିଭୂମି ନିର୍ମାଣ କରାଯାଇଥିବାରୁ ଦୁଇ ସୀମା ସୁରକ୍ଷା ଯବାନ ସଂଖ୍ୟା ବଢିଛି । ଏହା ମଧ୍ୟ ଉତ୍ତେଜନାକୁ ବଢାଉଛି ।
ସେ ଆହୁରି ମଧ୍ୟ କହିଛନ୍ତି ଯେ, ସୀମାକୁ ନେଇ ଉଭୟ ଦେଶ ମଧ୍ୟରେ ଭିନ୍ନ ଭିନ୍ନ ମତ ରହିଛି । ଏଣୁ ପାଟ୍ରୋଲିଂ ବେଳେ ଦୁଇ ଦେଶର ସେନା ମଧ୍ୟରେ ମତଭେଦ ଓ ବିବାଦ ଦେଖାଦେଉଛି । ଚୀନ ସେନାର ବଢିଚାଲିଥିବା କାର୍ଯ୍ୟକଳାପକୁ ଦୃଷ୍ଟିରେ ରଖି ଭାରତୀୟ ସେନା ସର୍ବାଧିକ ସତର୍କତା ଅବଲମ୍ବନ କରୁଛି ବୋଲି ସେ କହିଛନ୍ତି ।