ସୂଚନା ଓ ଲୋକସଂପର୍କ ବିଭାଗରେ ଅବସରକାଳୀନ ସମ୍ବର୍ଦ୍ଧନା ସଭା
ଭୁବନେଶ୍ବର : ରାଜ୍ୟ ସୂଚନା ଓ ଲୋକସଂପର୍କ ବିଭାଗରେ ଆଜି ଏକ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି। ଗତ ଜୁନ୍ ୩୦ତାରିଖରେ ଅବସର ନେଇଥିବାବିଭାଗର ଯୁଗ୍ମ ନିର୍ଦେଶକ ମାନସରଂଜନ ଖୁଣ୍ଟିଆ, ବରିଷ୍ଠ କ୍ୟାମେରାମ୍ୟାନ ବିନୟ ତ୍ରିପାଠୀ, ଫଟୋଗ୍ରାଫର ମଲ୍ଲିମଣୀ ସୋରେନ୍ ଓ ଅର୍ଜୁନ କୁମାର ଗୌଡ଼ଙ୍କ ପାଇଁ ବିଭାଗର କର୍ମଚାରୀ କଲ୍ୟାଣ କମିଟି ପକ୍ଷରୁ ବିଦାୟକାଳୀନ ସଭା ଅନୁଷ୍ଠିତ ହୋଇଥିଲା।
Sambad is now on WhatsApp
Join and get latest news updates delivered to you via WhatsApp
ବିଭାଗୀୟ ନିର୍ଦେଶକ (ବୈଷୟିକ) ସୁରେନ୍ଦ୍ରନାଥ ପରିଡ଼ା ଅବସର ଗ୍ରହଣ କରିଥିବା ଅଧିକାରୀ ଓ କର୍ମଚାରୀଙ୍କ ବିଭାଗୀୟ କାର୍ଯ୍ୟପ୍ରତି ଅବଦାନ ସ୍ମରଣୀୟ ରହିଥିଲା। ଅବସରକାଳୀନ ସମୟରେ ସେମାନେ ମାନସିକସ୍ତରରେ ସୁସ୍ଥ ଓ ଦୃଢ଼ ରହି ନିରୋଗ ରହିବାକୁ ଶ୍ରୀ ପରିଡ଼ା କହିଥିଲେ। ସଭାରେ ଅନ୍ୟମାନଙ୍କ ମଧ୍ୟରେ ବିଭାଗର ଉପ-ନିର୍ଦେଶକ ବିଶ୍ବଜିତ ଦାଶ, ସହକାରୀ ନିର୍ଦେଶକ ସୁଚେତା ପ୍ରିୟଦର୍ଶିନୀ, ସାଉଣ୍ଡ ରେକର୍ଡିଷ୍ଟ ଶୋଭା ପଟ୍ଟନାୟକ, କବିତା ନାୟକ, ଯୁଗ୍ମ ଶାସନ ସଚିବ ବିଷ୍ଣୁପ୍ରିୟା ସାହୁ, ଅତିରିକ୍ତ ନିର୍ଦେଶକ ସନ୍ତୋଷ କୁମାର ଦାସଙ୍କ ସମେତ ବିଭାଗୀୟ ଉପ-ନିର୍ଦେଶକ, ଉପ-ବିଭାଗୀୟ କର୍ମଚାରୀ, ସୂଚନା ଅଧିକାରୀ ଓ କର୍ମଚାରୀ କଲ୍ୟାଣ ସମିତିର କର୍ମକର୍ତା ଉପସ୍ଥିତ ଥିଲେ।