ନାଲକୋର ରେକର୍ଡ ବକ୍ସାଇଟ ଓ ଆଲୁମିନା ଉତ୍ପାଦନ
ଭୁବନେଶ୍ୱର: ନ୍ୟାସନାଲ ଆଲୁନିମିୟମ କମ୍ପାନୀ ( ନାଲକୋ), ୨୦୧୮-୧୯ ଆର୍ଥିକ ବର୍ଷରେ ଉଲ୍ଲଖନୀୟ ସଫଳତା ହାସଲ କରି ପାରିବା ସହିତ ବିଶ୍ୱସ୍ତରୀୟ ମାନ୍ୟତା ମଧ୍ୟ ପ୍ରାପ୍ତ କରିଛି । ଉତ୍ପାଦନ କ୍ଷେତ୍ରରେ ମଧ୍ୟ ସମଗ୍ର ବିଶ୍ୱରେ ସବୁଠାରୁ କମ୍ ବ୍ୟୟରେ ବକ୍ସାଇଟ୍ ଓ ଆଲୁମିନା ଉତ୍ପାଦନକାରୀ ଉଦ୍ୟୋଗ ଭାବେ ନାଲକୋ ଶ୍ରେଷ୍ଠ ମାନ୍ୟତା ହାସଲ କରିଛି ।
Sambad is now on WhatsApp
Join and get latest news updates delivered to you via WhatsApp
ଉଲ୍ଲେଖଯୋଗ୍ୟ ଯେ ପଞ୍ଚପଟ୍ଟମାଳୀ ବକ୍ସାଇଟ୍ ଖଣିରୁ ୭୪.୧୪ ଲକ୍ଷ ଟନ୍ ବକ୍ସାଇଟ୍ ଖନନ ହୋଇଛି ଯାହାକି କମ୍ପାନୀର ଇତିହାସରେ ସର୍ବାଧିକ । ସେହି ପରି, ୭୨.୩୧ ଲକ୍ଷ ଟନ୍ ବକ୍ସାଇଟ୍ ପରିବହନ ହୋଇଛି, ଯାହା ମଧ୍ୟ ଏ ଯାବତ୍ ସର୍ବାଧିକ । ଚଳିତ ବର୍ଷ ରିଫାଇନେରୀ ୨୧.୫୩ ଲକ୍ଷ ଟନ୍ ଆଲୁମିନା ହାଇଡ୍ରେଟ୍ ଉତ୍ପାଦନ କରି କମ୍ପାନୀର ଇତିହାସରେ ରେକର୍ଡ୍ ସୃଷ୍ଟି କରିଛି । ଆହୁରି ମଧ୍ୟ, ଷ୍ଟିମ ଏବଂ ପାଓାର ପ୍ଲାଣ୍ଟ ରୁ ସର୍ବାଧିକ ବିଜୁଳି ଉତ୍ପାଦିତ ହୋଇଛି । ନାଲକୋର ସ୍ମେଲଟର ଗତ ୮ ବର୍ଷ ମଧ୍ୟରେ ସର୍ବାଧିକ ୪.୪୦ ଲକ୍ଷ ଟନ୍ ଆଲୁନିମିୟମ ଉତ୍ପାଦନ କରିଛି । ଆହୁରି ମଧ୍ୟ, କମ୍ପାନୀ ପ୍ରତିଷ୍ଠା ଦିନ ଠାରୁ ସର୍ବାଧିକ ଓୟାର ରଡ୍, ବିଲେଟ୍, ଗ୍ରିନ ଆନୋଡ, ରଡେଡ୍ ଆନୋଡ, ଟି-ଇନଗୋଟ ଉତ୍ପାଦିତ ହୋଇଛି । ୩୬୩ ନିୟୁତ ୟୁନିଟ୍ ପବନଚାଳିତ ବିଜୁଳି ଉତ୍ପାଦିତ ହୋଇଛି ଯାହା କି ଏଯାବତ୍ ସର୍ବାଧିକ ।