ଚିକିତ୍ସା ପାଇଁ କନେଷ୍ଟବଳ ପୁଅ ଆଗରେ ଗୁହାରି କଲା ମା’, ଚିକିତ୍ସା ପରିବର୍ତ୍ତେ ମିଳିଲା ଗାଳି, ଝିଅ ଦେଲା ନ୍ୟାୟ
ନୂଆଦିଲ୍ଲୀ: ଦିଲ୍ଲୀରେ ଘଟିଛି ଏକ ଦୁଃଖଦ ଘଟଣା । ଜଣେ ମା’ ନିଜ କର୍କଟ ରୋଗର ଚିକିତ୍ସା ପାଇଁ କନେଷ୍ଟବଳ ପୁଅକୁ ଗହାରି କରିବା ପରେ ପୁଅର ବ୍ୟବହାର ଯାହା ଥିଲା ତାକୁ ଦେଖି ଆଖପାଖ ଲୋକ ଆଶ୍ଚର୍ଯ୍ୟ ହୋଇ ଯାଇଥିଲେ । ରୋଗୀଣା ମା’ ଚିକିତ୍ସା ପାଇଁ ଟଙ୍କା ମାଗିବାରୁ କନେଷ୍ଟବଳ ପୁଅ ଦେଇଥିଲା ଗାଳି । ଚିକିତ୍ସା ତ ଦୂରର କଥା ନିଜ ମା’କୁ କ’ଣ ହୋଇଛି ସେ ବିଷୟରେ ମଧ୍ୟ ପଚାରି ନଥିଲା ପୁଅ ।
ଅନ୍ୟ ପକ୍ଷରେ ଏହି ଘଟଣା ବିଷୟରେ ଜାଣି ମା’କୁ ନ୍ୟାୟ ଦେବା ପାଇଁ ଆଗେଇ ଆସିଥିଲା ଝିଅ । ନିଜ ମା’ ସହ ଅତ୍ୟାଚାର ହୋଇଥିବା ଜାଣି ବୃଦ୍ଧାଙ୍କ ଝିଅ ଦିଲ୍ଲୀ ଆସି ଏକ ଏନ୍ଜିଓ ସହ ସଂପର୍କ କରିବା ସହ ପୂରା ଘଟଣା ଜଣାଇଥିଲେ ।
Sambad is now on WhatsApp
Join and get latest news updates delivered to you via WhatsApp
ଏହା ପରେ ଏନ୍ଜିଓ କାର୍ଯ୍ୟକର୍ତ୍ତାମାନେ ପୁଲିସରେ ଖବର ଦେବା ପରେ ଘଟଣାର ସମାଧାନ କରାଯାଇ ବୃଦ୍ଧାଙ୍କୁ କନେଷ୍ଟବଳ ପୁଅ ସହ ଘରକୁ ପଠାଇଥିଲା ପୁଲିସ । ସୂଚନା ମୁତାବକ, ୨୦୧୭ରେ କର୍କଟ ରୋଗର ଶିକାର ହୋଇଥିବା ଜାଣି ପୁଅ ଚିକିତ୍ସା କରାଇବ ବୋଲି ଭାବି ଦିଲ୍ଲୀ ଆସିଥିଲେ ଦୟା ଦେବୀ । କିନ୍ତୁ ଚିକିତ୍ସା ମିଳିବା ପରିବର୍ତ୍ତେ ଦୟା ଦେବୀଙ୍କୁ ଅତ୍ୟାଚାରର ଶିକାର ହେବାକୁ ପଡ଼ିଥିଲା ବୋହୂ ସେବା କରିବା ପରିବର୍ତ୍ତେ ମାଡ଼ ମାଡ଼ ମାରିବା ଆରମ୍ଭ କରିଥିଲେ ।