ଡକାୟତି ଉଦ୍ୟମ, ୩ ଗିରଫ
ପୁରୁଣା ଭୁବନେଶ୍ୱର: ଡକାୟତି ଉଦ୍ୟମ ଅଭିଯୋଗରେ ଏୟାରଫିଲ୍ଡ ଥାନା ପୁଲିସ ୩ଜଣ ଦୁର୍ବୃତ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି। ସେମାନେ ହେଲେ, ଚନ୍ଦ୍ରଶେଖରପୁର ଥାନା ଅନ୍ତର୍ଗତ ବିଡିଏ କଲୋନିର ପ୍ରଦୀପ ସାହୁ(୨୮), କିଷାନ ସ୍ୱାଇଁ(୨୦) ଓ ଏୟାରଫିଲ୍ଡ ଥାନା ଅଧୀନ ବରକୁଦା ଗ୍ରାମର ଲକି ଓରଫ ଦୀପୁ ରଞ୍ଜନ ପତି(୨୫)। ପୁଲିସ ସେମାନଙ୍କଠାରୁ ୩ଟି ମୋବାଇଲ୍, ଭୁଜାଲି କଟୁରି ଓ ଏକ ଶାବଳ ଜବତ କରିଛି। ପୁଲିସ ସୂଚନା ଅନୁଯାୟୀ, ଆଜି ସେମାନେ କାର୍ଗିଲ ବସ୍ତିର ଆଖଣ୍ଡଳମଣି ମନ୍ଦିରରେ ବସି ଡକାୟତି ପାଇଁ ଯୋଜନା କରୁଥିଲେ। ସେତିକିବେଳେ ପୁଲିସ ଚଢ଼ଉ କରି ସେମାନଙ୍କୁ ଗିରଫ କରିଥିଲା। ଆଜି ସେମାନଙ୍କୁ କୋର୍ଟ ଚାଲାଣ କରାଯାଇଛି।