ଇନ୍ଷ୍ଟାଗ୍ରାମରେ ଫେକ୍ ଆକାଉଣ୍ଟ କରି ପୁରୁଷମାନଙ୍କୁ ନିଜର ଦିଓ୍ଵାନା କରିବା ସହ ଟଙ୍କା ଠକି ନେଉଥିବା ଯୁବକ ଶେଷରେ ଗିରଫ
ଗୁରୁଗ୍ରାମ : ଇନ୍ଷ୍ଟାଗ୍ରାମରେ ମହିଳାଙ୍କ ନାମରେ ନିଜର ଫେକ୍ ଆକାଉଣ୍ଟ କରି ପୁରୁଷମାନଙ୍କଠାରୁ ଟଙ୍କା ହଡ଼ପ କରିବା ଅଭିଯୋଗରେ ଜଣେ ଯୁବକଙ୍କୁ ଗିରଫ କରିଛି ପୁଲିସ । ଅଭିଯୁକ୍ତ ଜଣଙ୍କ ଆକାଶ ଚୌଧୁରୀ(୩୮) ବୋଲି ଚିହ୍ନଟ କରାଯାଇଥିବା ବେଳେ ସେ ଗୁରୁଗ୍ରାମର ବାସିନ୍ଦା ଥିବା ଜଣା ପଡ଼ିଛି । ପୁରୁଷମାନଙ୍କଠାରୁ ଅଭିଯୁକ୍ତ ଜଣଙ୍କ ଇ-ଓ୍ଵଲେଟ୍ ମାଧ୍ୟମରେ ଠକି କରି ଟଙ୍କା ଆଣୁଥିବା ବେଳେ ପରେ ଏହାକୁ ନିଜ ବ୍ୟାଙ୍କ ଆକାଉଣ୍ଟକୁ ଟ୍ରାନ୍ସଫର୍ କରୁଥିଲେ ବୋଲି ପୁଲିସ ଆଗରେ ସ୍ୱୀକାର କରିଛନ୍ତି । ଏହା ସହ ଇନ୍ଷ୍ଟାଗ୍ରମରେ ଥିବା ତାଙ୍କର ଫେକ୍ ଆଇଡ଼ିରେ ପ୍ରାୟ ୧ମିଲିୟନ ଫଲୋଓ୍ଵର୍ସ ରହିଥିବା ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତବାକ, ବିଭିନ୍ନ ସୋସିଆଲ ସାଇଟ୍କୁ ଯାଇ ଅଭିଯୁକ୍ତ ଜଣଙ୍କ କିଛି ମହିଳାଙ୍କ ପ୍ରୋଫାଇଲ୍ ଚେକ୍ କରିବା ସହ ସେମାନଙ୍କ ଫଟୋକୁ ନିଜ ଫୋନରେ ରଖି ଦେଉଥିଲେ । ଏହା ପରେ ସେହି ଫଟୋକୁ ବ୍ୟବହାର କରି ଇନ୍ଷ୍ଟାଗ୍ରାମରେ ବିଭିନ୍ନ ନାମରେ ନୂଆ ଆକାଉଣ୍ଟ କରିବା ସହ ପୁରୁଷମାନଙ୍କୁ ନିଜର ଦିଓ୍ଵାନା ବନାଉଥିଲେ । କିଛି ଦିନ କଥା ହୋଇ ପୁରୁଷମାନଙ୍କୁ ଜାଲରେ ଫସାଇବା ପରେ ସେମାନଙ୍କୁ ବ୍ଲାକ୍ମେଲ କରି ସେମାନଙ୍କଠାରୁ ଟଙ୍କା ହଡ଼ପ୍ କରୁଥିଲେ । ଆକାଶ ପୂର୍ବରୁ କଲ୍ ସେଣ୍ଟରରେ କାମ କରୁଥିବାରୁ ଏହି କାମ ସେ ଭଲ ଭାବରେ କରି ପାରୁଥିଲେ ବୋଲି ଜଣା ପଡ଼ିଛି ।