ଏହି ସିନେମାରେ ଦେଖା ଦେବେ ଅନୀଲ-ମାଧୁରୀଙ୍କ ସୁପରହିଟ୍ ଯୋଡି
ମୁମ୍ବାଇ: ବଲିଉଡର ଲୋକପ୍ରିୟ ଅଭିନେତା ଅନୀଲ କପୁର ଇନ୍ଦ୍ର କୁମାରଙ୍କ ‘ଟୋଟାଲ୍ ଧମାଲ୍’ରେ ଦେଖା ଦେବେ । ଆଉ ଏକ ବଡ଼ କଥା ହେଲା ଯେ ଏଥିରେ ଦର୍ଶକ ବେଶ କେତେ ବର୍ଷପରେ ଅନୀଲ କପୁରଙ୍କ ବିପକ୍ଷରେ ଦେଖିବାକୁ ପାଇବେ ମାଧୁରୀ ଦୀକ୍ଷିତଙ୍କୁ । ହଁ ଏଥିରେ ଅନୀଲ-ମାଧୂୁରୀଙ୍କ ସୁପରହିଟ୍ ଯୋଡି ଆସୁଛନ୍ତି। । ଅନୀଲ କପୁର ଏବଂ ମାଧୁରୀ ଦୀକ୍ଷିତ ଇନ୍ଦ୍ର କୁମାରଙ୍କ ସୁପରହିଟ୍ ସିନେମା ‘ବେଟା’ ରେ କାମ କରି ଉଚ୍ଚ ପ୍ରଶଂସିତ ହୋଇଥିଲେ।
Sambad is now on WhatsApp
Join and get latest news updates delivered to you via WhatsApp
ତେବେ ଅନୀଲଙ୍କ ଭୂମିକା ପ୍ରଥମେ ମୁନ୍ନାଭାଇ ଅର୍ଥାତ୍ ସଞ୍ଜୟ ଦତ୍ତଙ୍କୁ ମିଳିଥିଲା। ହେଲେ ସେ ପ୍ରଖ୍ୟାତ ନିର୍ମାତା-ନିର୍ଦ୍ଦେଶକ ଇନ୍ଦ୍ର କୁମାରଙ୍କ ‘ଟୋଟାଲ୍ ଧମାଲ୍’ ଛାଡ଼ିବାପରେ କିଏ ଏହି ଭୂମିକାଟି କରିବେ ବୋଲି ସିନେପ୍ରେମୀଙ୍କ ମନରେ ପ୍ରଶ୍ନବାଚୀ ଉଙ୍କି ମାରିଥିଲା । ହେଲେ ପରେ ଖବର ମିଳିଥିଲା ଯେ ନିର୍ମାତା-ନିର୍ଦ୍ଦେଶକ ଇନ୍ଦ୍ର କୁମାର ସେହି ଚରିତ୍ର ଲାଗି ଦକ୍ଷ ଅଭିନେତା ଅଜୟ ଦେବଗନଙ୍କୁ ଅଫର୍ ଦେଇଥିଲେ ଏବଂ ସେ ତାକୁ ସ୍ୱୀକାର ମଧ୍ୟ କରିଥିଲେ । ଅଜୟ ପୂର୍ବରୁ ଇନ୍ଦ୍ର କୁମାରଙ୍କ ସୁପରହିଟ୍ କମେଡି ‘ଇଶ୍କ’ ଏବଂ ‘ମସ୍ତି’ରେ କାମ କରିଥିଲେ । ଏଦୃଷ୍ଟିରୁ ଇନ୍ଦ୍ର ଏବଂ ଅଜୟଙ୍କ ଯୋଡି ଧମାଲ କରିବେ ବୋଲି ଆଶା କରାଯାଉଥିଲା। ହେଲେ ସଦ୍ୟତମ ଖବର ଅନୁଯାୟୀ ସଞ୍ଜୟ ଦତ୍ତଙ୍କ ପରେ ଅଜୟ ଦେବଗନ୍ ବି ଛାଡ଼ିଛନ୍ତି ‘ଟୋଟାଲ୍ ଧମାଲ୍’ । ଏହା ଏକ ଆଡଲ୍ଟ କମେଡି ହୋଇଥିବା ହେତୁ ସେ ରାଜି ହୋଇନଥିବା କୁହାଯାଉଥିଲା।