ମିସ୍‌ ଇଣ୍ଡିଆ (ଏଲିଗାଣ୍ଟ) ଟାଇଟଲ୍‌ ବିଜୟିନୀ ହେଲେ ଓଡ଼ିଆ ଯୁବତୀ ଆନି ପ୍ରିନ୍‌ସ

0 21

ଓଡ଼ିଶାର ଜୟପୁର ସହରରର ଓଡ଼ିଆ ଯୁବତୀ ଆନି ପ୍ରିନ୍‌ସ ନାଗ୍‌ ଏବେ ଜି ଫିଲ୍ମସ୍‌ ଦ୍ୱାରା ଆୟୋଜିତ ସୁନ୍ଦରୀ ପ୍ରତିଯୋଗିତା ମିସ୍‌ ଇଣ୍ଡିଆ(ଏଲିଗାଣ୍ଟ)ଟାଇଟଲ୍‌ ବିଜୟିନୀ ହୋଇଛନ୍ତି। ଟପ୍‌ ଫାଇନାଲିଷ୍ଟ୍‍ମାନଙ୍କ ମଧ୍ୟରେ ଆନି ଥିଲେ ଏକମାତ୍ର ଓଡ଼ିଆ । ଗତକାଲି ବେଙ୍ଗଲୁରୁରେ ଅନୁଷ୍ଠିତ ଏହି ପ୍ରତିଯୋଗିତାରେ ତାଙ୍କୁ ବିଜୟିନୀ ଘୋଷିତ କରାଯାଇଥିଲା।
ଆନି ମନସ୍ତତ୍ତ୍ୱ ଓ ସାମ୍ବାଦିକତାରେ ଡିଗ୍ରି ହାସଲ କରିଛନ୍ତି । ୨୬ ବର୍ଷୀୟା ଆନି ସଂପ୍ରତି ବେଙ୍ଗଲୁରୁରେ ରହି ନିଜର କ୍ୟାରିଅର୍‌ ପ୍ରତି ଧ୍ୟାନ ଦେଉଛନ୍ତି । ସେ ଇତିମଧ୍ୟରେ ଗୋଟିଏ କନ୍ନଡ ସିନେମା ‘ ନାନୁ ବନେ ଓଲେରେନୁ’ ଓ ତାମିଲ୍‌ ସିନେମା ‘ ମହାରନୀ କୋଟ୍ଟାଇ’ରେ ଲିଡରୋଲ୍‌ କରି ସାରିଲେଣି । ସେ ଆଉ ଏକ କନ୍ନଡ ମୁଭି ପାଇଁ ମଧ୍ୟ ଚୁକ୍ତିବଦ୍ଧ ହୋଇଛନ୍ତି ।
ସେ ୨୦୧୨ରେ ‘ମିସ୍‌ ବେଙ୍ଗଲୁରୁ’ ଟାଇଟଲ୍‌ ହାସଲ କରିଥିଲେ । ଆନିଙ୍କ ପିତା ବିଚିତ୍ର ରଞ୍ଜନ ନାଗ୍‌ ଜଣେ ପୁଲିସ ଅଧିକାରୀ ।

ସମ୍ବନ୍ଧିତ ଖବର

Leave A Reply

Your email address will not be published.