ନିଜ ବିଷୟରେ ଏକ ବଡ଼ ଖୁଲାସା କଲେ କ୍ୟାଟ୍ରିନା: ଫିଲ୍ମ ‘ଜିରୋ’ରେ ଅନୁଷ୍କାଙ୍କ ଚରିତ୍ର କରିବାକୁ ଇଚ୍ଛା କରିବା ସହ ନିର୍ଦ୍ଦେଶକଙ୍କୁ କରି ଥିଲେ ଅନେକ ନିବେଦନ
ମୁମ୍ବାଇ : ଫିଲ୍ମ ‘ଜିରୋ’ର ଟ୍ରେଲର ରିଲିଜ ହେବା ପରେ ଅନୁଷ୍କା ଶର୍ମାଙ୍କ ଚରିତ୍ରକୁ ସମସ୍ତେ ପସନ୍ଦ କରିଛନ୍ତି । କିଛି ଦର୍ଶକ ଶାହାରୁଖ୍ଙ୍କ ଚରିତ୍ରଠାରୁ ଅନୁଷ୍କାଙ୍କ ଚରିତ୍ରକୁ ଅଧିକ ପସନ୍ଦ କରିଛନ୍ତି । ବୋଧହୁଏ ଏ ବିଷୟରେ ପୂର୍ବରୁ ଜାଣି ପାରିଥିଲେ ଅଭିନେତ୍ରୀ କ୍ୟାଟ୍ରିନା କୈଫ୍ । ଫିଲ୍ମରେ ଅନୁଷ୍କାଙ୍କ ଚରିତ୍ର କେତେ ଗୁରୁତ୍ୱପୁର୍ଣ୍ଣ ଏବଂ ପ୍ରଭାବଶାଳୀ ତାହା ଜାଣିପାରି ନିର୍ଦ୍ଦେଶକଙ୍କୁ ଅନୁଷ୍କାଙ୍କ ଚରିତ୍ର ଦେବା ପାଇଁ କହିଥିବା ଜଣା ପଡ଼ିଛି । ଏ ନେଇ ଆଉ କେହି ନୁହନ୍ତି, ନିଜେ କ୍ୟାଟ୍ରିନା ଏହାର ଖୁଲାସା କରିଥିଲେ ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ରେଡ଼୍ ଚିଲିଜ୍ ଏଣ୍ଟରଟେନ୍ମେଣ୍ଟ ତରଫରୁ ରଖାଯାଇଥିବା ସ୍ୱତନ୍ତ୍ର ଭାଗ ଜିରୋକା ସଚ୍ରେ କ୍ୟାଟ୍ରିନା ଏହି ଖୁଲାସା କରିଥିବା ଜଣାଇଛନ୍ତି । ଭିଡ଼ିଓରେ ୩ କଳାକାର ଫିଲ୍ମରେ ନିଜ ନିଜର ପସନ୍ଦର ଚରିତ୍ର ବିଷୟରେ କହୁଥିବାର ଦେଖାଯାଇଛି । ଯେଉଁଠି ଶାହାରୁଖ୍ କ୍ୟାଟ୍ରିନାଙ୍କ ଚରିତ୍ରକୁ ପସନ୍ଦ କରୁଥିବା କହିଥିବା ବେଳେ ଅନୁଷ୍କା ଶାହାରୁଖ୍ଙ୍କ ଚରିତ୍ରଙ୍କୁ ପସନ୍ଦ କରୁଥିବା କହିଥିଲେ । କ୍ୟାଟ୍ରିନାଙ୍କୁ ପଚରାଯିବା ପରେ ସ୍କ୍ରିପ୍ଟ ପଢ଼ିବା ପରଠାରୁ ତାଙ୍କ ଅନୁଷ୍କାଙ୍କ ଚରିତ୍ର ପସନ୍ଦ ଆସି ଯାଇଥିଲା ବୋଲି କହିଥିଲେ । କିନ୍ତୁ ସେ ନିର୍ଦ୍ଦେଶକଙ୍କୁ କହିବା ପରେ ମଧ୍ୟ ତାଙ୍କୁ ଅନୁଷ୍କାଙ୍କ ଚରିତ୍ର ମିଳି ନ ଥିଲା ବୋଲି କହିଥିଲେ ।