ମଲ୍ଲାଇକାଙ୍କୁ ବିବାହ କରିବା ଖବରକୁ ନେଇ ଅର୍ଜୁନଙ୍କ ବୟାନ; କଥା ଲୁଚାଇବାର କୌଣସି ଆବଶ୍ୟକତା ନାହିଁ
ମୁମ୍ବାଇ : ବଲିଉଡ୍ ଅଭିନେତା ଅର୍ଜୁନ କପୁର ଏବଂ ଅଭିନେତ୍ରୀ ମଲ୍ଲାଇକା ଆରୋରାଙ୍କ ବିବାହକୁ ନେଇ ଏଇ କିଛି ଦିନ ହେବ ଚର୍ଚ୍ଚା ଲାଗି ରହିଥିବା ବେଳେ ବିବାହର ଭିନ୍ନ ଭିନ୍ନ ତାରିଖ ମଧ୍ୟ ସାମ୍ନାକୁ ଆସି ସାରିଛି । ତେବେ ଦୁହେଁ କେବେ ବିବାହ କରିବେ ସେ ନେଇ ଚର୍ଚ୍ଚା ଲାଗି ରହିଥିବା ବେଳେ ଅର୍ଜୁନ କପୁର ଏ ନେଇ ନିଜର ବୟାନ ରଖିଛନ୍ତି । ବିବାହକୁ ନେଇ ତାଙ୍କୁ ପ୍ରଶ୍ନ କରାଯିବା ପରେ, ମୋତେ ମିଡିଆର ସମର୍ଥନ ମିଳିଛି ଯେତେବେଳେ, ମୁଁ ସେମାନଙ୍କୁ କିଛି ବି ଲୁଚାଇବି ନାହିଁ । ଠିକ୍ ସମୟ ଆସିଲେ ସବୁ କହିବି । ଯେତେବେଳେ ବିବାହ କରିବି, ସେତେବେଳେ କରିବି । ସେ ବିଷୟରେ ମୋତେ କାହାକୁ ଲୁଚାଇବା ଦରକାର ନାହିଁ । ବିବାହ କରିବା ସମୟରେ ସମସ୍ତେ ଜାଣିବେ ବୋଲି କହିଥିଲେ ଅର୍ଜୁନ କପୁର ।
Sambad is now on WhatsApp
Join and get latest news updates delivered to you via WhatsApp
ତେବେ ଅର୍ଜୁନଙ୍କ ପେସାଦାର ଜୀବନକୁ ଦେଖିବାକୁ ଗଲେ ସେ ଏବେ ନିଜର ଆଗାମୀ ଫିଲ୍ମ ‘ଇଣ୍ଡିଆଜ୍ ମୋଷ୍ଟ ଓ୍ଵାଣ୍ଟେଡ୍’କୁ ନେଇ ବ୍ୟସ୍ତ ଥିବା ଜଣାପଡ଼ିଛି । ଏହି ଫିଲ୍ମରେ ଅର୍ଜୁନଙ୍କ ସହ ପରିଣୀତି ଚୋପ୍ରା ମଧ୍ୟ ନଜର ଆସିବେ ବୋଲି ଜଣା ପଡ଼ିଛି ।