ଉଦିତ୍ ନାରୟଣ-ପ୍ରେମ୍ ଆନନ୍ଦ ଯୋଡି ଫେରିଲା; ‘ବ୍ଲାକମେଲ୍’ରେ ଗାଇଲେ ଉଦିତ୍
ଭୁବନେଶ୍ୱର : ଏଥର ହୋଲିରେ ଓଡ଼ିଆ ଚଳଚ୍ଚିତ୍ର ପ୍ରେମୀ ‘ରଙ୍ଗୋଲି’ ଗୀତରେ ଝୁମିବେ । ତାହା ପୁଣି ବଲିଉଡ୍ ଗାୟକ ଉଦିତ୍ ନାରାୟଣଙ୍କ କଣ୍ଠରେ । ଉଦିତ୍ଙ୍କ ଏଇ ଗୀତ ପ୍ରେମ୍ ଆନନ୍ଦଙ୍କ ସଂଗୀତ ନିର୍ଦ୍ଦେଶନାରେ ରେକର୍ଡ ହୋଇଛି। ପୂର୍ବରୁ ଉଦିତ୍ ନାରାୟଣ ଏବଂ ପ୍ରେମ୍ ଆନନ୍ଦଙ୍କ ଯୋଡି ଓଡ଼ିଆ ଶ୍ରୋତାଙ୍କୁ ଉପହାର ଦେଇଛି ଅନେକ ମନଛୁଆଁ ଗୀତ ।
Sambad is now on WhatsApp
Join and get latest news updates delivered to you via WhatsApp
ସେ ‘ହାତଧରି ଚାଲୁଥା’ ହଉ କି ‘ତୋ ପାଇଁକି ଦିଲ୍ଟା ମୋର ଘୁଟୁର ଘୁଟୁର ଘୁ’ ହେଉ କିମ୍ବା ‘ସମଥିଙ୍ଗ୍ ସମଥିଙ୍ଗ୍’ ଗୀତ। ପ୍ରେମ୍ଆନନ୍ଦ-ଉଦିତ୍ ନାରାୟଣଙ୍କ ଯୋଡି ଏମିତି ଅନେକ ମନଛୁଆଁ ଗୀତ ଉପହାର ଦେଇଛନ୍ତି ଦର୍ଶକଙ୍କୁ । ତେବେ କିଛି ବର୍ଷର ନିରବତା ପରେ ପୁଣି ଏଇ ଉଦିତ୍ ନାରାୟଣ ଏବଂ ପ୍ରେମ୍ ଆନନ୍ଦଙ୍କ ଯୋଡି କମ୍ବ୍ୟାକ୍ କରିଛି ।
ଷ୍ଟାଇଲିଷ୍ଟ ହିରୋ ଅର୍ଦ୍ଧେନ୍ଦୁଙ୍କ ଅଭିନୀତ ‘ବ୍ଲାକମେଲ୍’ ଚଳଚ୍ଚିତ୍ରର ଗୀତ ‘ହାଏ ତୋ ପ୍ରେମର ରଙ୍ଗୋଲି…’ ପାଇଁ ପ୍ରେମ୍ ଆନନ୍ଦଙ୍କ ସଂଗୀତ ନିର୍ଦ୍ଦେଶନାରେ ଉଦିତ୍ ନାରାୟଣ କଣ୍ଠଦାନ କରିଛନ୍ତି। ନିକଟରେ ଏଇ ଗୀତ ମୁମ୍ବାଇରେ ରେକର୍ଡିଂ ସରିଛି ।
ଏଇ ଗୀତ ସାରା ଓଡ଼ିଶାରେ ହଲଚଲ କରିବ ବୋଲି ସଂଗୀତ ନିର୍ଦ୍ଦେଶକ ପ୍ରେମ୍ ଆନନ୍ଦ କହିଛନ୍ତି ।