କଠୁଆ ଏବଂ ଉନ୍ନାଓ ଦୁଷ୍କର୍ମ ମାମଲାରେ ଅମିତାଭ୍ ବଚ୍ଚନ ଦେଇଥିବା ମତ ଉପରେ ନିଜର ପ୍ରତିକ୍ରିୟା ରଖି ଟ୍ରୋଲ୍ ହେଲେ ପୂଜା ଭଟ୍ଟ
ମୁମ୍ବାଇ : କଠୁଆ ଏବଂ ଉନ୍ନାଓରେ ହୋଇଥିବା ଦୁଷ୍କର୍ମକୁ ନେଇ ସାରା ଦେଶରେ ଏବେ ଚର୍ଚ୍ଚା ଜୋର୍ ଧରିଛି । ଦୁଇ ପୀଡ଼ିତାଙ୍କୁ ନ୍ୟାୟ ଦେବା ପାଇଁ ସାରା ଦେଶ ଆଗେଇ ଆସିଥିବା ବେଳେ ବଲିଉଡ୍ କଳାକାରମାନେ ମଧ୍ୟ ଏ ନେଇ ପ୍ରୟାସ ଆରମ୍ଭ କରିଛନ୍ତିା ସାରା ଦେଶରେ ଏଥିପାଇଁ ହେଉଥିବା ଆନ୍ଦୋଳନକୁ ଦେଖି କେନ୍ଦ୍ର ମନ୍ତ୍ରିମଣ୍ଡଳ ମଧ୍ୟ ଶନିବାର ଏକ ନୂତନ ଆଇନ୍ ପ୍ରଣୟନ କରିଛି । ୧୨ବର୍ଷରୁ କମ ବୟସ୍କ ନାବାଳିକାଙ୍କ ସହ ଦୁଷ୍କର୍ମ କରାଗଲେ ଦୋଷୀକୁ ମୃତ୍ୟୁ ଦଣ୍ଡ ଦିଆଯିବ ବୋଲି ଘୋଷଣା କରାଯାଇଛି । ତେବେ ଏ ନେଇ ଷ୍ଟାର୍ ଓ୍ଵାର୍ ମଧ୍ୟ ଆରମ୍ଭ ହୋଇଛି ।
Sambad is now on WhatsApp
Join and get latest news updates delivered to you via WhatsApp
ଗତ ଗୁରୁବାର ‘ବେଟି ପଢ଼ାଓ, ବେଟି ବଚାଓ’ର ବ୍ରାଣ୍ଡ ଆମ୍ବାସଡ଼ର ବିଗ୍ ବି ଅମିତାଭ୍ ବଚ୍ଚନଙ୍କୁ କଠୁଆ ଏବଂ ଉନ୍ନାଓରେ ହୋଇଥିବା ଦୁଷ୍କର୍ମ ବିଷୟରେ ପଚରାଯିବା ପରେ ସେ ଏ ନେଇ ନିଜର କୌଣସି ମତ ରଖି ନ ଥିଲେ । ମୋତେ ଏ ବିଷୟରେ ଚର୍ଚ୍ଚା କରିବାକୁ ଘୃଣା ଲାଗୁଛି, ସେଥିପାଇଁ ମୋତେ ସେ ବିଷୟରେ କିଛି ପଚାରନ୍ତୁ ନାହଁ ବୋଲି କହିଥିଲେ । ଅମିତାଭ୍ଙ୍କ ଏଭଳି ମତ ପରେ ସମସ୍ତେ ଭିନ୍ନ ଭିନ୍ନ ପ୍ରତିକ୍ରିୟା ଦେଇଥିବା ବେଳେ ଅଭିନେତ୍ରୀରୁ ଫିଲ୍ମ ନିର୍ମାତା ସାଜିଥିବା ପୂଜା ଭଟ୍ଟଙ୍କ ପ୍ରତିକ୍ରିୟାକୁ ନେଇ ଚର୍ଚ୍ଚା ଆରମ୍ଭ ହୋଇଛି । ତାଙ୍କ ପ୍ରତିକ୍ରିୟା ପାଇଁ ତାଙ୍କୁ ଟ୍ଵିଟରରେ ଟ୍ରୋଲ କରାଯାଇଛି । ଜଣେ ବ୍ୟବହାରକାରୀ ତାଙ୍କ ପ୍ରତିକ୍ରିୟା ଉପରେ ନିଜର ମତ ରଖି ତାଙ୍କୁ ମଦୁଆ କହିଥିବା ଦେଖିବାକୁ ମିଳିଛି ।
ସୂଚନା ମୁତାବକ, ଅମିତାଭ ବଚ୍ଚନ ଦେଇଥିବା ମତ ଉପରେ ନିଜର ପ୍ରତିକ୍ରିୟା ରଖି ଫିଲ୍ମ ‘ପିଙ୍କ୍’ ବିଷୟରେ ଲେଖିଥିଲେ । ସେ ଟୁଇଟ୍ କରିଥିଲେ, ଯେଉଁ ଲୋକ ଫିଲ୍ମରେ ନାରୀମାନଙ୍କ ପାଇଁ ଏତେ ସ୍ୱର ଉତ୍ତୋଳନ କରି ସେମାନଙ୍କୁ ନ୍ୟାୟ ଦେଇଥିଲେ ତାଙ୍କଠାରୁ ଏଭଳି ପ୍ରତିକ୍ରିୟା ଆଶା କରାଯାଉ ନ ଥିଲା । ଫିଲ୍ମରେ ଯେଉଁ ଚରିତ୍ରରେ ଆସୁଛନ୍ତି ସେଭଳି ଚରିତ୍ର ଅସଲ ଜୀବନରେ ମଧ୍ୟ ରହିବା କଥା।’
I can’t help being reminded of a film called #Pink. Can our images on screen please be reflected in reality? ? https://t.co/JHnc8PLDXY
— Pooja Bhatt (@PoojaB1972) April 20, 2018
ତାଙ୍କର ଏହି ଟ୍ଵିଟ୍ ପରେ ଟ୍ଵିଟରରେ ତାଙ୍କୁ ଟ୍ରୋଲ କରାଯାଇଥିିଲା । ସବୁବେଳେ ନିଶାଗ୍ରସ୍ତ ହୋଇ ରହୁଥିବା ଲୋକ ଜଣେ ଲିଜେଣ୍ଡଙ୍କ ବିଷୟରେ ଏପରି କହିବା ଶୋଭା ପାହୁ ନାହିଁ ବୋଲି କେତେକ ଲେଖିଥିବା ବେଳେ ପୂଜା ତାଙ୍କୁ ଉଚିତ୍ ଜବାବ ଦେଇଥିଲେ । ‘ନିଶାଗ୍ରସ୍ତ ନୁହେଁ, ମୁଁ ଏବେ ନିଜକୁ ବଦଳାଇବାକୁ ଚେଷ୍ଟା କରୁଛି । ଯାହା ପାଇଁ ମୁଁ ଗର୍ବିତ’ ବୋଲି ଲେଖିଥିଲେ । ତେବେ ଏ ନେଇ ଅମିତାଭ ବଚ୍ଚନଙ୍କ ତରଫରୁ କୌଣସି ପ୍ରତିକ୍ରିୟା ମିଳି ନ ଥିବା ଜଣା ପଡ଼ିଛି ।
A ‘recovering’ alcoholic & proud of it!In a country where people don’t even acknowledge they have a drinking problem,let alone discuss it I am grateful to stand away from the crowd that considers holding your frailties to light shameful. #485dayssober ?? pic.twitter.com/xDDFW0rD2j
— Pooja Bhatt (@PoojaB1972) April 22, 2018