ପରିବାର ବିରୋଧରେ ଯାଇ ବିବାହ କଲା ଝିଅ, ମୃତ ଘୋଷଣା କରି ଶ୍ରାଦ୍ଧ ଦେଲା ବାପା
ନୂଆଦିଲ୍ଲୀ : ମଧ୍ୟପ୍ରଦେଶର ମନ୍ଦସୌରରୁ ଏକ ଆଶ୍ଚର୍ଯ୍ୟ କଲା ଭଳି ଘଟଣା ସାମ୍ନାକୁ ଆସିଛି । ଝିଅ ଜୀବିତ ଥିବା ଜାଣି ମଧ୍ୟ ଜଣେ ବାପା ଝିଅର ଶ୍ରାଦ୍ଧ ଦେଇଥିବା ଜଣାପଡ଼ିଛି । ଯୁବତୀଜଣଙ୍କ ଘରୁ ଲୁଚି ପଳାଇବା ସହ ନିଜ ପ୍ରେମିକକୁ ବିବାହ କରିଥିଲେ । ଯୁବତୀଙ୍କ ବାପା ଆଣିବା ପାଇଁ ଯିବାରୁ ଯୁବତୀଜଣଙ୍କ ତାଙ୍କୁ ଚିହ୍ନିବା ପାଇଁ ମନା କରି ଦେଇଥିଲେ । ଯାହା ପରେ ଯୁବତୀଙ୍କ ବାପା ଏଭଳି କାମ କରିଥିବା ସୂଚନା ମିଳିଛି।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ମନ୍ଦସୌରରେ ରହୁଥିବା ଯୁବତୀଜଣଙ୍କ ନିଜ ପାଖ ଗାଁରେ ରହୁଥିବା ଯୁବକଙ୍କୁ ମନ ଦେଇ ବସିଥିଲେ । ଦୁହେଁ ଷଷ୍ଠ ଶ୍ରେଣୀରୁ ସାଥୀରେ ପାଠ ପଢ଼ି ଆସୁଥିବା ସହ ପରବର୍ତ୍ତୀ ସମୟରେ ଦୁହିଁଙ୍କ ବନ୍ଧୁତା ପ୍ରେମରେ ପରିଣତ ହୋଇଥିଲା । ଦିନେ ଘରେ କାହାକୁ କିଛି ନ ଜଣାଇ ଦୁହେଁ ଘର ଛାଡ଼ି ଚାଲି ଯାଇଥିଲେ । ମାମଲାଟି ପୁଲିସରେ ପହଞ୍ଚିବା ପରେ ଦୁଇ ପକ୍ଷକୁ ଡ଼କାଯିବା ସହ ଯୁବତୀ ଓ ତାଙ୍କ ପ୍ରେମିକ ମଧ୍ୟ ପୁଲିସ ଷ୍ଟେସନରେ ପହଞ୍ଚିଥିଲେ । ସେଠାରେ ବାପା ଘରକୁ ଯିବା ପାଇଁ କହିବାରୁ ଯୁବତୀଜଣଙ୍କ ଏ କିଏ? ମୁଁ ଜାଣି ନାହିଁ ବୋଲି କହିଥିଲେ । ଝିଅ ପାଟିରୁ ଏହା ଶୁଣି ବାପା ପୁଲିସ ଷ୍ଟେସନରୁ ଚାଲି ଆସିବା ସହ ତାଙ୍କ ପାଇଁ ଝିଅ ସବୁଦିନ ପାଇଁ ମରି ଯାଇଥିବା ଘୋଷଣା କରିଥିଲେ ।