ମୁମ୍ବାଇ: ମହାରାଷ୍ଟ୍ରର ପୁଣେରେ ଟ୍ରାଫିକ୍ର ବଢ଼ୁଥିବା ସମସ୍ୟାକୁ ଦେଖି ଟ୍ରାଫିକ୍ ପୁଲିସ ଦୁଇଚକିଆ ଯାନ ଚଳାଉଥିବା ସମୟରେ ହେଲମେଟ ପିନ୍ଧିବା ଅନିବାର୍ଯ୍ୟ କରି ଦେଇଛନ୍ତି। ଯେଉଁ ଚାଳକ ବିନା ହେଲମେଟରେ ଗାଡ଼ି ଚଳାଇବେ ସେଥିପାଇଁ ଜରିମାନା ଦେବାକୁ ପଡ଼ିବ। କିନ୍ତୁ ପୁନେସ୍ଥିତ ପିମ୍ପରି-ଚିନ୍ଚଓ୍ଵାଡାରେ କିଛି ଅଲଗା ଦେଖିବାକୁ ମିଳେ।
Sambad is now on WhatsApp
Join and get latest news updates delivered to you via WhatsApp
ପିମ୍ପର କିମ୍ବା ପୁନେ ନିକଟରେ ଏମିତି ଏକ ସ୍ଥାନ ଅଛି ଯେଉଁଠାରେ ଗାଡ଼ି ଚଳାଇବା ସମୟରେ ହେଲମେଟ୍ ପିନ୍ଧିବା ନିୟମ ଲାଗୁ ହୋଇନାହିଁ। ଏଠାରେ ବସବାସ କରୁଥିବା ଜଣେ ବାସିନ୍ଦା ଏହି ସମସ୍ୟାର ଏକ ଭିନ୍ନ ସମାଧାନ ବାହାର କରିଛନ୍ତି। ଯେଉଁମାନଙ୍କ ପାଖରେ ହେଲମେଟ ନ ଥାଏ ଓ କଦବା କ୍ବଚିତ୍ ପୁଣେ ଯିବାକୁ ପଡ଼ିଥାଏ ସେମାନେ ନିଜ ସୁରକ୍ଷାକୁ ଦୃଷ୍ଟି ନ ଦେଇ ଥରେ କିମ୍ବା ଦୁଇଥର ଯିବା ଆସିବା ପାଇଁ ହେଲମେଟ୍ କିଣିବା ଜରୁରୀ ଭାବି ନଥାଆନ୍ତି। ଏଠାକାର ବାସିନ୍ଦାଙ୍କୁ ଯଦି ପୁଣେ ସହରକୁ ଦୁଇଚକିଆ ଯାନରେ ଯିବାର ଥାଏ ଓ ସେମାନଙ୍କୁ ହେଲମେଟ ପିନ୍ଧିବା ଜରୁରୀ ହୋଇଥାଏ ତେବେ ସେମାନଙ୍କ ଲାଗି ଏକ ଅଭିନବ ବ୍ୟବସ୍ଥା ରହିଛି।
ତେବେ ଏହି ସବୁ ଅସୁବିଧାକୁ ଦୃଷ୍ଟିରେ ରଖି ପିମ୍ପରିରୁ ପୁଣେ ଯିବା ରାସ୍ତାରେ ଏମିତି କିଛି ଦୋକାନ ମିଳିବ, ଯେଉଁଠାରୁ ଆପଣ ଗୋଟିଏ ଦିନ କିମ୍ବା କିଛି ଘଣ୍ଟା ପାଇଁ ହେଲମେଟ ଭଡାରେ ନେଇ ପାରିବେ। ଦାପୋଡ଼ିରେ ରାହୁଲ ରାଜ ଟୁର୍ସ ଆଣ୍ଡ ଟ୍ରାଭେଲସ୍ର ମାଲିକ ରାହୁଲ ଅନଘୋଲକର ଏହି ସୁବିଧା ଉପଲବ୍ଧ କରାଇଛନ୍ତି। ସେ ବିଭନ୍ନ ପ୍ରକାର ଅନେକଗୁଡ଼ିଏ ହେଲମେଟ କିଣି ନିଜ ଦୋକାନ ବାହାରେ ର୍ୟାକ୍ରେ ରଖିଛନ୍ତି। ଏଠାରୁ ଦୁଇଚକିଆ ଚାଳକ ନିଜ ପସନ୍ଦ ମୁତାବକ ହେଲମେଟକୁ ଭଡାରେ ନେଇ ପାରିବେ। ପ୍ରତିଦିନ ୬୦ରୁ ଊର୍ଧ୍ୱ ଲୋକେ ରାହୁଲଙ୍କ ଠାରୁ ହେଲମେଟ ଭଡାରେ ନେଇ ଥାଆନ୍ତି।