ଆଇଆଇଟି ବିଜ୍ଞାନୀ ପିଆଜ ଚୋପାରୁ ପ୍ରସ୍ତୁତ କଲେ ବିଦ୍ୟୁତ
ନୂଆଦିଲ୍ଲୀ: ବିଦ୍ୟୁତ ଉତ୍ପାଦନ ପାଇଁ ଆଜିକାଲି ବିଭିନ୍ନ ପ୍ରକାରର ଉପାୟ ଉଦ୍ଭାବନ କରାଯାଉଛି। କିଛି ଦିନ ପୂର୍ବରୁ ଆଇଆଇଟି ଖଡ଼ଗପୁରରେ ପିଆଜ ଚୋପାରୁ ବିଦ୍ୟୁତ ପ୍ରସ୍ତୁତି ପ୍ରଯୁକ୍ତି ଉଦ୍ଭାବିତ ହୋଇଛି । ଅନୁଷ୍ଠାନ ଦ୍ୱାରା ହୋଇଥିବା ଗବେଷଣାରୁ ଜଣାପଡ଼ିଛି, ପିଆଜ ଚୋପାରେ ପାଇଜୋଇଲେଟ୍ରିକ୍ ନାମକ ଏକ ତତ୍ତ୍ୱ ରହିଥାଏ, ଏହା ଦ୍ୱାରା ନାନୋଜେନେରେଟରରେ ବ୍ୟବହାର କରି ବିଦ୍ୟୁତ ପ୍ରସ୍ତୁତ କରାଯାଇ ପାରିବ ।
Sambad is now on WhatsApp
Join and get latest news updates delivered to you via WhatsApp
ସାଧାରଣତଃ ସମସ୍ତ ଭାରତୀୟଙ୍କ ଘରେ ଖାଦ୍ୟ ପ୍ରସ୍ତୁତ ପାଇଁ ପିଆଜ ବ୍ୟବହାର କରାଯାଇଥାଏ ତେବେ ଏହାର ଚୋପାକୁ ଆବର୍ଜନା ଭାବେ ବ୍ୟବହାର କରାଯାଇଥାଏ । ପିଆଜ ଚୋପାରେ ଥିବା ପାଇଜୋଇଲେଟ୍ରିକ୍ରେ କିଛି ପରିମାଣର ଚାପ ପକାଇବା ଦ୍ୱାରା ବିଦ୍ୟୁତ ଉତ୍ପନ୍ନ ହୋଇଥାଏ । ଏଥିରୁ ନାନୋ- ଜେନେରେଟର ପ୍ରସ୍ତୁତ ହୋଇଥାଏ ଯାହା ଛୋଟ ଯନ୍ତ୍ରଗୁଡ଼ିକୁ ବିଦ୍ୟୁତ ଯୋଗାଇବାରେ ସହାୟତା ଯୋଇଥାଏ । ଏଥିରେ ଚାପ ପଡ଼ିବା ଦ୍ୱାରା ବିଦ୍ୟୁତ ଉତ୍ପନ୍ନ ହୋଇ କାନେଟିକ ଉର୍ଜାରେ ପରିବର୍ତ୍ତିତ ହୋଇ ଇଲେକଟ୍ରିକାଲ ଉର୍ଜା ପ୍ରସ୍ତୁତ କରିଥାଏ ।
ସାଧାରଣତଃ ନାନୋଜେନେରେଟର ଟୋକ୍ସିକ ସାମଗ୍ରୀ ବ୍ୟବହାର କରାଯାଇଥାଏ । କିନ୍ତୁ ଜୈବିକ ପ୍ରଦାର୍ଥରୁ ଏହାକୁ ପ୍ରସ୍ତୁତ କରି ଆଇଆଇଟି ଅନୁଷ୍ଠାନ ସମସ୍ତଙ୍କୁ ଆଶ୍ଚର୍ଯ୍ୟ କରିଛି। ଏହା ପ୍ରଯୁକ୍ତି ଅନୁଯାୟୀ, ଜୈବଆବର୍ଜନା ବ୍ୟବହାର ଦ୍ୱାରା ସ୍ମାର୍ଟ ପିଲ, ଘଣ୍ଟା ଏବଂ ପେସମେକର ପ୍ରସ୍ତୁତ କରାଯାଇ ପାରିବ।