ଭୁବନେଶ୍ବର,ପୁରୀରେ ଆୟୋଜିତ ରାଜ୍ୟ ଉପକନିଷ୍ଠ ହ୍ୟାଣ୍ଡବଲ୍ ପ୍ରତିଯୋଗିତାର ବାଳକରେ ପୁରୀ ଏବଂ ବାଳିକାରେ ଭୁବନେଶ୍ବର ବିଜେତା ହୋଇଛି। ଏହି ଦୁଇ ବର୍ଗରେ ଯାଜପୁର ଓ ଜଗତସିଂହପୁର ଉପବିଜେତା ହୋଇଥିଲେ। ରାଜୁ ଠାକୁର, ଜୀବନଜ୍ୟୋତି ନାୟକ, ରଶ୍ମି ରଂଜନ, ଶିବ ପ୍ରସାଦ ରାୟ, ସୁମିତ ପଣ୍ଡା, ମନୋଜ ସାହୁ ଓ ଯଶୋବନ୍ତ ପରମଗୁରୁ ଖେଳ ପରିଚାଳନା କରିଥିଲେ। ଓଡ଼ିଶା ହ୍ୟାଣ୍ଡବଲ୍ ସଂଘର ସଭାପତି ମକ୍ବୁଲ ଅଲ୍ଲୀ, ସଂପାଦକ ବୀରେନ ବେହେରା ପ୍ରମୁଖ ଏହି ଅବସରରେ ଉପସ୍ଥିତ ଥିଲେ। ସ୍ଥାନୀୟ ବିଧାୟକ ତଥା ମନ୍ତ୍ରୀ ମହେଶ୍ବର ମହାନ୍ତି ବିଜୟୀ ଦଳକୁ ଟ୍ରଫି ପ୍ରଦାନ କରିଥିଲେ।