ବିଶ୍ୱର ସବୁଠାରୁ ଥଣ୍ଡା ସ୍କୁଲ, ବିଯୁକ୍ତ ୫୧ ଡିଗ୍ରୀରେ ମଧ୍ୟ ସ୍କୁଲକୁ ଆସନ୍ତି ଛାତ୍ରଛାତ୍ରୀ
ନୂଆଦିଲ୍ଲୀ: ଶୂନ ଡିଗ୍ରୀ ତାପମାତ୍ରାରେ ପାଣି ବରଫ ହୋଇଯାଇଥାଏ, ଏକଥା ଆପଣ ନିଶ୍ଚିତ ଜାଣିଥିବେ | ତେବେ ପୃଥିବୀରେ ଏମିତି ଏକ ବିଦ୍ୟାଳୟ ରହିଛି ଯେଉଁଠି ତାପମାତ୍ରା -୫୦ ଡିଗ୍ରୀ ହେଲେ ବି ପିଲାମାନେ ପାଠ ପଢିବାକୁ ଯାଇଥାନ୍ତି | ଦୁନିଆର ସବୁଠାରୁ ଥଣ୍ଡା ସ୍ଥାନ ଭାବରେ ବେଶ ଜଣାଶୁଣା ସାଇବେରିଆରେ ଏମିତି ଏକ ସ୍କୁଲ ରହିଛି | ହାଡ ଭଙ୍ଗା ଶୀତରେ ଏଠାରେ ଥିବା ସ୍କୁଲକୁ ପିଲାମାନେ ପଢିବାକୁ ଯାଉଥିବାବେଳେ ଯେତେବେଳେ ତାପମାତ୍ରା -୫୨ ଡିଗ୍ରୀ ତଳକୁ କମିଯାଇଥାଏ, ସେତେବେଳେ ୧୧ ବର୍ଷ କିମ୍ବା ତା’ଠାରୁ କମ୍ ବୟସର ଛାତ୍ରମାନଙ୍କ ପାଇଁ ବିଦ୍ୟାଳୟକୁ ବନ୍ଦ କରାଯାଇଥାଏ |
Sambad is now on WhatsApp
Join and get latest news updates delivered to you via WhatsApp
ଏହି ବିଦ୍ୟାଳୟ ଓମିଆକୋନ୍ ସହରରେ ଥିବାବେଳେ ସ୍କୁଲ ଛଡା ଡାକଘର ଏବଂ ବ୍ୟାଙ୍କ ପରି କିଛି କାର୍ଯ୍ୟାଳୟ ହିଁ ରହିଛି | ଏହି ବିଦ୍ୟାଳୟ ୧୯୩୨ ମସିହାରେ ଷ୍ଟାଲିନଙ୍କ ଶାସନ ସମୟରେ ନିର୍ମାଣ କରାଯାଇଥିଲା |ଏହି ବିଦ୍ୟାଳୟରେ ଖରା ତୁମୁଲ ଏବଂ ବେରେଗ ୟୁର୍ଡେ ଗାଁର ପିଲାମାନେ ଅଧ୍ୟୟନ କରିବାକୁ ଆସନ୍ତି | ତେବେ ବଡ କଥା ଯେ ଏଠାରେ ତାପମାତ୍ରା ମାଇନସ୍ ୫୧ ଡିଗ୍ରୀ ସେଲସିୟସ୍ ହୋଇଯାଉଥିବାରୁ ପିଲାଙ୍କର ଜୀବନ ପ୍ରତି ବିପଦ ମଧ୍ୟ ଯଥେଷ୍ଟ ବୃଦ୍ଧି ପାଇଥାଏ |
କାରଣ ପ୍ରବଳ ଥଣ୍ଡା ଯୋଗୁଁ ପିଲାମାନଙ୍କୁ ହାଇପୋଥର୍ମିଆ ହେବାର ଆଶଙ୍କା ଥାଏ | ହାଇପୋଥର୍ମିଆ ହେଲେ ଶରୀରର ତାପମାତ୍ରା ଅତି ଶୀଘ୍ର ହ୍ରାସ ପାଇବାରେ ଲାଗିଥାଏ | ଯାହା ଦ୍ୱାରା ଉଚ୍ଚ ରକ୍ତଚାପ, ଦ୍ରୁତ ହୃତସ୍ପନ୍ଦନ ହେବା ସହ କେତେକ କ୍ଷେତ୍ରରେ ମୃତ୍ୟୁ ମଧ୍ୟ ହୋଇଥାଏ |