ଦ୍ବିତୀୟ ସପ୍ତାହରେ ଏହି ୩ ଦିନ ଛୁଟି ରହିବ ବ୍ୟାଙ୍କ; ଜରୁରି ନେଣଦେଣ ଥିଲେ ଆଗରୁ ସାରି ଦିଅନ୍ତୁ
ଆଗାମୀ ସପ୍ତାହରେ ବ୍ୟାଙ୍କ ସହ ଜଡିତ ଯଦି କିଛି ଗୁରୁତ୍ୱପୂର୍ଣ୍ଣ କାମ ରହିଛି, ତେବେ ଆସନ୍ତା ଶୁକ୍ରବାର ସୁଦ୍ଧା ଆପଣଙ୍କ କାମ ଶେଷ କରିଦିଅନ୍ତୁ। କାରଣ ଶନିବାର ଠାରୁ ୩ ଦିନ ଧରି ବନ୍ଦ ରହିବ ବ୍ୟାଙ୍କ । ତେବେ ଆସନ୍ତୁ ଜାଣିବା କେଉଁ ଦିନ ଆଉ କେଉଁ କାରଣରୁ ବନ୍ଦ ରହିବ ବ୍ୟାଙ୍କ କାର୍ଯ୍ୟ।
Sambad is now on WhatsApp
Join and get latest news updates delivered to you via WhatsApp
ଆଗାମୀ ସପ୍ତାହରେ ବ୍ୟାଙ୍କ କାର୍ଯ୍ୟ ଜାନୁୟାରୀ ୧୨ ତାରିଖରୁ ଜାନୁୟାରୀ ୧୪ ତାରିଖ ପର୍ଯ୍ୟନ୍ତ ବନ୍ଦ ରହିବ । ଜାନୁୟାରୀ ୧୨ ତାରିଖ ମାସର ଦ୍ୱିତୀୟ ଶନିବାର ହୋଇଥିବା କାରଣରୁ ସମସ୍ତ ବ୍ୟାଙ୍କ ବନ୍ଦ ରହିବ । ସେହିପରି ଜାନୁୟାରୀ ୧୩ ତାରିଖ ରବିବାର ଥିବାରୁ, ସ୍ୱାଭାବିକ୍ ଭାବେ ବ୍ୟାଙ୍କ କାର୍ଯ୍ୟ ବନ୍ଦ ରହିବ । ଏହା ପରେ ଜାନୁୟାରୀ ୧୪ ତାରିଖ ସୋମବାର ମକର ସଂକ୍ରାନ୍ତି ଏବଂ ପୋଙ୍ଗଲ ପର୍ବ ପାଇଁ ସମସ୍ତ ବ୍ୟାଙ୍କ ଛୁଟି ରହିବ ।
ତେବେ ଏହି ସମୟରେ କ୍ରମାଗତ ୩ଦିନ ଧରି ବ୍ୟାଙ୍କ ବନ୍ଦ ରହୁଥିବାରୁ ବଜାରରେ ଅର୍ଥାଭାବ ଭଳି ସମସ୍ୟା ଦେଖାଦେଇପାରେ । ଏହି ସମସ୍ୟାକୁ ଦୃଷ୍ଟିରେ ରଖି ବ୍ୟାଙ୍କ ପକ୍ଷରୁ ଏଟିଏମ ଗୁଡିକରେ ଅଧିକ ଟଙ୍କା ରଖାଯିବା ନେଇ ମଧ୍ୟ ଆଲୋଚନା ହେବ । ତେବେ ଏନେଇ ବ୍ୟାଙ୍କ କର୍ତ୍ତୃପକ୍ଷଙ୍କ ନିକଟରୁ କିଛି ସୂଚନା ହସ୍ତଗତ ହୋଇପାରିନାହିଁ । ଯଦି ଆପଣଙ୍କର ମଧ୍ୟ ଆଗାମୀ ସପ୍ତାହରେ କିଛି ଜରୁରୀ କାମ ରହିଛି, ତେବେ ସମୟ ଥାଉ ଥାଉ ତାକୁ ଶେଷ କରିନିଅନ୍ତୁ । କାହିଁକି ନା କ୍ରମାଗତ ଭାବେ ୩ ଦିନ ଧରି ବନ୍ଦ ରହିବ ସମସ୍ତ ବ୍ୟାଙ୍କ କାର୍ଯ୍ୟ ।