ହ୍ଵାଟ୍ସଆପ୍ରେ ଜୁଆ ଖେଳି ନିଲମ୍ବିତ ହେଲେ ୭ପୁଲିସ କର୍ମୀ
ରାୟପୁର : ଛତିଶଗଡ଼ର ରାଜଧାନୀ ରାୟପୁରରେ ଆଶ୍ଚର୍ଯ୍ୟ କଲା ଭଳି ଘଟଣା ଘଟିଛି । ଡ଼ିୟୁଟି ସମୟରେ କାମ ନ କରି ପୁଲିସକର୍ମୀମାନେ ହ୍ଵାଟ୍ସଆପ୍ରେ ଜୁଆ ଖେଳୁଥିବାରୁ ସେମାନଙ୍କୁ କାର୍ଯ୍ୟରୁ ନିଲମ୍ବିତ କରାଯାଇଛି । ୭ଜଣଙ୍କୁ ନିଲମ୍ବିତ କରାଯାଇଥିବା ବେଳେ ସେଥିରେ ଜଣେ ମହିଳା ସିପାହୀ ଥିବା ଜଣାପଡ଼ିଛି । ପୁଲିସ ଜୁଆ ଖେଳୁଥିବା ଏକ ଗ୍ୟାଙ୍ଗ୍କୁ ଗିରଫ କରିବା ପରେ ସେମାନଙ୍କ ଫୋନରୁ ନିଲମ୍ବିତ ହୋଇଥିବା ପୁଲିସକର୍ମୀଙ୍କ ନମ୍ବର ଏବଂ କରାଯାଇଥିବା ଚାଟ୍ ମିଳିଥିଲା ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଗୁପ୍ତ ସୂଚନା ପାଇ ପୁଲିସ ଶୁକ୍ରବାର ରାୟପୁରର ଅଶ୍ୱିନୀ ନଗରରେ ଚଢ଼ଉ କରିଥିଲା। ଏହା ପରେ ପୁଲିସ ପୁରୁଣା ବସ୍ତିରେ ଥିବା ଏକ ଘରୁ ବିକାଶ ତମ୍ବୋଲି ନାମକ ଜଣେ ଜୁଆ ଖେଳଳିଙ୍କୁ ଗିରଫ କରିଥିଲା । ପଚରାଉଚରା କରିବା ପରେ ବିକାଶ ରାହୁଲ ନାମକ ଜଣେ ଯୁବକଙ୍କ ପାଇଁ କାମ କରୁଥିବା ସ୍ୱୀକାର କରିଥିଲେ । ଏହା ପରେ ପୁଲିସ ରାହୁଲଙ୍କୁ ଗିରଫ କରିଥିଲା । ଦୁହିଁଙ୍କ ଫୋନକୁ ନେଇ ଦେଖିବା ପରେ ଦୁହିଁଙ୍କ ଫୋନରୁ ଏକ ହ୍ଵାଟ୍ସଆପ୍ ଗ୍ରୁପ୍ ମିଳିଥିଲା । ଯେଉଁଥିରେ ନିଲମ୍ବିତ ହୋଇଥିବା ୭ଜଣ ପୁଲିସକର୍ମୀ ସଦସ୍ୟ ଥିବା ସାମ୍ନାକୁ ଆସିଥିଲା । ଯାହା ପରେ ସେମାନଙ୍କୁ କାର୍ଯ୍ୟରୁ ନିଲମ୍ବିତ କରାଯାଇଥିବା ଜଣାପଡ଼ିଛି ।