ଜେଲ ପାଚେରୀ ଡେଇଁ ଆସାମୀ ଚମ୍ପଟ
ହିନ୍ଦୋଳ: ଢେଙ୍କାନାଳ ଜିଲ୍ଲା ହିନ୍ଦୋଳ ଜେଲ ମଧ୍ୟରୁ ଆଜି ଜଣେ ବିଚାରାଧୀନ ଆସାମୀ ପାଚେରୀ ଡେଇଁ ଚମ୍ପଟ ମାରିଛି l ଖବର ଜଣା ପଡିବା ପରେ ଜେଲ କର୍ତୃପକ୍ଷ ହିନ୍ଦୋଳ ଥାନାକୁ ଖବର ଦେଇଥିଲେ l ଏହାପରେ ଉଭୟ ପୁଲିସ ଓ ଜେଲ ପକ୍ଷରୁ ବହୁ ଖୋଜାଖୋଜି କରାଯାଇଥିଲା l ମାତ୍ର ଆସାମୀଙ୍କୁ ଧରି ପରି ନଥିଲେ l
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ଯେ, ରାସୋଳ ଥାନା ଦଣ୍ଡିରୀ ଗ୍ରାମରେ ଗତ ୨୫ ତାରିଖରେ ଜନ୍ତୁ ମାଂସ ଭାଗ ବଣ୍ଟନକୁ ନେଇ ଭୁଲୁ ବେହେରା ଓ ବିରଞ୍ଚି ବେହେରାଙ୍କ ମଧ୍ୟରେ ବଚସା ହୋଇଥିଲା l ପରେ ବିରଞ୍ଚି ଏକ ଧାରୁଆ ଅସ୍ତ୍ରରେ ଭୁଲୁଙ୍କୁ ଆକ୍ରମଣ କରିଥିଲେ l ଫଳରେ ଘଟଣାସ୍ଥଳରେ ଭୁଲୁଙ୍କର ମୃତ୍ୟୁ ହୋଇ ଯାଇଥିଲା l ଉକ୍ତ ଘଟଣାରେ ପୁଲିସ ଏକ ହତ୍ୟା ମାମଲା ରୁଜୁ କରି ବିରଞ୍ଚିଙ୍କୁ ଗିରଫ କରି ୨୬ ତାରିଖରେ କୋର୍ଟକୁ ପଠାଇ ଦେଇଥିଲେ l କୋର୍ଟରେ ବିରଞ୍ଚିଙ୍କ ଜାମିନ ନାକଚ ହୋଇ ଯିବାରୁ ତାଙ୍କୁ ହିନ୍ଦୋଳ ଜେଲକୁ ପଠାଇ ଦିଆ ଯାଇଥିଲା l ସେହି ଦିନ ଠାରୁ ବିରଞ୍ଚି ଜେଲରେ ଥିଲେ l ମାତ୍ର ଆଜି ସକାଳେ ବିରଞ୍ଚି ଏକ ବାଉଁଶ ସାହାଯ୍ୟରେ ଜେଲର ସୁଉଚ ପାଚେରୀ ଡେଇଁ ଫେରାର ହୋଇ ଯାଇଥିବା ପ୍ରକାଶ l ଜେଲ କର୍ମଚାରୀଙ୍କ ଖାମ ଖିଆଲି ନୀତି ଯୋଗୁଁ ଏହା ଘଟିଥିବା କୁହା ଯାଉଛି l