ଜିଲ୍ଲା ପରିଷଦ ଜୋନ୍ରେ ଦଳୀୟ ସ୍ଥିତି: ଖୋର୍ଦ୍ଧାରେ ବିଜେଡିର ବିଜୟ ଯାତ୍ରା ଅପରିବର୍ତିତ, ବିଜେଡିି ୯ ଓ ବିଜେପି ୧ରେ ବିଜୟୀ
ଖୋର୍ଦ୍ଧା: ଦ୍ୱିତୀୟ ଦିନ ଭୋଟ ଗଣନାର ଚୂଡ଼ାନ୍ତ ଫଳାଫଳ ପ୍ରକାଶ ହୋଇଛି । ଜଟଣୀ ନିର୍ବାଚନ ମଣ୍ଡଳୀର ସମସ୍ତ ଦୁଇଟି ଜୋନ୍ର ଗଣନା ଶେଷ ହୋଇଛି । ଦ୍ୱିତୀୟ ଦିନ ଅର୍ଥାତ୍ ୨୭ ତାରିଖର ଗଣନାରେ ରାତି ୧୦ଟା ସୁଦ୍ଧା ଖୋର୍ଦ୍ଧା ଜିଲ୍ଲାର ଦୁଇଟି ଜୋନ୍ରେ ବିଜେପି ଆଗୁଆ ରହିଥିଲା । କିନ୍ତୁ ଚୂଡ଼ାନ୍ତ ଫଳାଫଳରେ ବିଜେପି କେବଳ ଗୋଟିଏ ଆସନ ଜିତି ଥିବା ବେଳେ ବିଜେଡି ପ୍ରଥମ ଦିନର ଗଣନାର ଆସନ ସ୍ଥିତିର ପୁନରାବୃତ୍ତି କରିଛି । ଦ୍ୱିତୀୟ ଦିନ ବିଜେଡି ୯ଟି ଜିଲ୍ଲା ପରିଷଦ ଆସନରେ ଜିତି ଥିବା ବେଳେ ଗୋଟିଏ ଆସନରେ ବିଜେପି ଜିତିଛି ।
Sambad is now on WhatsApp
Join and get latest news updates delivered to you via WhatsApp
ଜିଲ୍ଲା ପଂଚାୟତ କାର୍ଯ୍ୟାଳୟରୁ ମିଳିଥିବା ୨୭ ତାରିଖ ଗଣନାର ଚୂଡ଼ାନ୍ତ ଫଳାଫଳ ଅନୁସାରେ, ଖୋର୍ଦ୍ଧା ଜୋନ୍ ୨ରୁ କୈସୁରା ବେଗମ ସର୍ବାଧିକ ୧୩ ହଜାର ୨୮୦ ଭୋଟ ବ୍ୟବଧାନରେ ବିଜୟ ଲାଭ କରିଛନ୍ତି । ଏହି ଜୋନ୍ରେ ମୋଟ ୩୧,୦୦୬ ଖଣ୍ଡ ଭୋଟ ମଧ୍ୟରୁ କୈସୁରା ବେଗମ ୨୦,୨୭୭ଟି ଭୋଟ ପାଇଥିବା ବେଳେ ବିଜେପିର ତନିମା ସେଠୀ ୬୯୯୭ ଖଣ୍ଡ ଭୋଟ ପାଇଥିଲେ । ବେଗୁନିଆ ୨୩ ନମ୍ବର ଜୋନ୍ରେ ମୋଟ ୨୮,୯୬୮ ଖଣ୍ଡ ଭୋଟ ମଧ୍ୟରୁ ବିଜେଡି ପ୍ରାର୍ଥୀ ଅନାଦୀ ସାହୁ ୧୫,୪୨୦ ଭୋଟ ପାଇଥିବା ବେଳେ ବିଜେପିର ଜିତେନ୍ଦ୍ର କୁମାର ସାହୁ ୮୮୧୩ ଖଣ୍ଡ ଭୋଟ ପାଇଛନ୍ତି । ବୋଲଗଡ଼ ୨୬ ନମ୍ବର ଜୋନ୍ରେ ମୋଟ ୨୭,୬୯୦ ଖଣ୍ଡ ଭୋଟ ବିଜେଡି ପ୍ରାର୍ଥୀ ସୁବାସ ଚନ୍ଦ୍ର ରାୟଗୁରୁ ୧୭,୦୫୬ ଓ ବିଜେପିର ମିଥୁନ ପାଇକରାୟ ୬୦୧୫ ଖଣ୍ଡ ଭୋଟ ପାଇଛନ୍ତି । ଟାଙ୍ଗୀ ୧୦ ନମ୍ବର ଜୋନ୍ରେ ବିଜେଡିର ବିଜୟ କୁମାର ଜେନା ୧୦,୬୬୨ ଖଣ୍ଡ ଭୋଟ ପାଇଥିବା ବେଳେ ବିଜେପି ପ୍ରାର୍ଥୀ ୮୬୦୪ ଖଣ୍ଡ ଭୋଟ ପାଇଛନ୍ତି ।
ଚିଲିକା ନିର୍ବାଚନମଣ୍ଡଳୀରେ ଉଭୟ ବାଣପୁର ଓ ଚିଲିକା ଜୋନ୍ରେ ବିଜେଡି ଓ ବିଜେପି ପ୍ରାର୍ଥୀଙ୍କ ମଧ୍ୟରେ କଡ଼ା ପ୍ରତିଦ୍ୱନ୍ଦ୍ୱିତା ରହିଥିଲା । ଚିଲିକା ୫ ନମ୍ବର ଜୋନ୍ରେ ମୋଟ ୨୭,୨୦୮ ଟି ଭୋଟ ମଧ୍ୟରୁ ବିଜେଡିର ରୀନା ବେହେରା ୧୩,୮୯୨ ଓ ବିଜେପିର ନମିତା ବେହେରା ୧୨, ୧୭୧ ଖଣ୍ଡ ଭୋଟ ପାଇଛନ୍ତି । ବାଣପୁର ୧୪ ନମ୍ବର ଜୋନ୍ରେ ମୋଟ ୨୭,୬୮୭ ଖଣ୍ଡ ଭୋଟ ମଧ୍ୟରୁ ବିଜେପିର ରୋଜିତା ପ୍ରଧାନ ୧୨,୮୫୩ ଖଣ୍ଡ ଭୋଟ ଓ ବିଜେଡିର ଲୀଳାବାଳା ଭୋଇ ୧୧, ୧୬୯ଟି ଭୋଟ ପାଇଛନ୍ତି । ଭୁବନେଶ୍ୱର ୨୯ ନମ୍ବର ଜୋନ୍ରେ ଶେଷ ଗଣନା ପର୍ଯ୍ୟନ୍ତ ବିଜେଡି ଓ ବିଜେପି ପ୍ରାର୍ଥୀଙ୍କ ମଧ୍ୟରେ ଭୋଟ ସଂଖ୍ୟାକୁ ନେଇ ତୀବ୍ର ପ୍ରତିଦ୍ୱନ୍ଦ୍ୱିତା ଲାଗି ରହିଥିଲା । ଚୂଡ଼ାନ୍ତ ଫଳାଫଳରେ ବିଜେଡିର ସୁବାସ କୁମାର ସୁନ୍ଦରା ନିଜର ପ୍ରତିପକ୍ଷ ବିଜେପି ପ୍ରାର୍ଥୀ ସୁଜିତ ବଳବନ୍ତରାୟଙ୍କୁ ମାତ୍ର ୪୭୮ ଖଣ୍ଡ ଭୋଟରେ ପରାସ୍ତ କରିଛନ୍ତି । ମୋଟ ୩୦, ୮୯୭ଟି ଭୋଟ ମଧ୍ୟରୁ ସୁବାସ ୧୪,୫୦୯ ଖଣ୍ଡ ଭୋଟ ପାଇଥିବା ବେଳେ ସୁଜିତ ୧୪,୦୩୧ଟି ଭୋଟ ପାଇଛନ୍ତି । ବାଲିଅନ୍ତା ୧୭ ନମ୍ବର ଜୋନ୍ରେ ମୋଟ ୨୬, ୨୯୭ ଟି ଭୋଟ ମଧ୍ୟରୁ ବିଜେଡିର କୁନମୁନ ଲେଙ୍କା ୧୬, ୨୩୭ଟି ଭୋଟ ପାଇଥିବା ବେଳେ ବିଜେପିର ଝିଲି ସାମନ୍ତରାୟ ୮୪୮୭ ଖଣ୍ଡ ଭୋଟ ପାଇଛନ୍ତି । ବାଲିପାଟଣା ୨୦ ନମ୍ବର ଜୋନ୍ରେ ମୋଟ ୨୮, ୭୪୭ ଟି ଭୋଟ ମଧ୍ୟରୁ ବିଜେଡିର ସୁକନ୍ୟା ସେଠୀ ୧୬, ୫୫୭ ଓ ବିଜେପି ପ୍ରାର୍ଥୀ ମିନତୀ ବେହେରା ୮୨୫୪ ଖଣ୍ଡ ଭୋଟ ପାଇଛନ୍ତି । ଜଟଣୀ ୮ ନମ୍ବର ଜୋନ୍ରେ ମୋଟ ୩୦, ୦୪୧ଟି ଭୋଟ ମଧ୍ୟରୁ ବିଜେଡିର ରୋନିତା ଦଳେଇ ୧୫,୮୯୦ଟି ଭୋଟ ପାଇଥିବା ବେଳେ କଂଗ୍ରେସର ଜ୍ୟୋତିର୍ମୟୀ ଛୋଟରାୟ ୬୬୬୧ ଖଣ୍ଡ ଭୋଟ ପାଇ ଦ୍ୱିତୀୟ ଓ ବିଜେପିର ଝୁନା ସୁନ୍ଦରା ୫୪୦୭ ଖଣ୍ଡ ଭୋଟ ପାଇ ତୃତୀୟ ସ୍ଥାନରେ ରହିଛନ୍ତି ।