ଆସିଲା ଏକ୍ସରେ ରିପୋର୍ଟ: ଚନ୍ଦନ ଛାତିରେ ଅଢ଼େଇ ଇଞ୍ଚ ଭିତରକୁ ପଶି ଯାଇଛି ଲୁହା ଛଡ,ଚାଲିଛି ଚିକିତ୍ସା
କେନ୍ଦୁଝର: କେନ୍ଦୁଝର ସହର ନିକଟ ଡିମ୍ବୋରେ ନନ୍ଦ କିଶୋର ମହାକୁଡଙ୍କ ଚତୁର୍ଥ ଶ୍ରେଣୀରେ ପାଠପଢ଼ୁଥିବା ପୁଅ ଚନ୍ଦନ ମହାକୁଡ ଘର ନିକଟରେ ଖେଳୁଥିଲେ । ଆଉ ଖେଳୁ ଖେଳୁ ହଠାତ ଲୁହା ଛଡ଼ଟି ତାଙ୍କ ଛାତିରେ ପଶି ଯାଇଥିଲା। ତାଙ୍କୁ କେନ୍ଦୁଝର ଡାକ୍ତରଖାନାରେ ଭର୍ତ୍ତି କରାଯାଇଥିଲା। ଅବସ୍ଥା ଗୁରୁତର ଥିବାରୁ କଟକ ସ୍ଥାନାନ୍ତର କରାଯାଇଛି। ସର୍ଜରୀ ୱାର୍ଡରେ ପିଲାଟିର ଚିକିତ୍ସା ଚାଲିଛି । ଚନ୍ଦନ ଛାତିରେ ଅଢ଼େଇ ଇଞ୍ଚ ଭିତରକୁ ଛଡଟି ପଶିଯାଇଥିବା ଏକ୍ସରେ ରିପୋର୍ଟରୁ ସ୍ପଷ୍ଟ ହୋଇଛି ।
Sambad is now on WhatsApp
Join and get latest news updates delivered to you via WhatsApp
ନନ୍ଦକିଶୋରଙ୍କ ଘର ଘଟଗାଁ ଥାନା ବାଇଗଣପାଳ ଗ୍ରାମରେ। ସେ ଗତ ପ୍ରାୟ ୫ବର୍ଷ ହେବ ଟାଉନ ଥାନା ଅଧୀନ ଡିମ୍ବୋ ଗ୍ରାମରେ ରହି ଅଟୋ ଚଳାଉଛନ୍ତି। ଏଠାରେ ତାଙ୍କ ପତ୍ନୀ ଓ ଦୁଇ ପୁଅଙ୍କ ସହିତ ରହୁଥିଲା ବେଳେ ଏପରି ଅଘଟଣ ଘଟିଛି। ସବୁଠାରୁ ବଡ କଥା ହେଲା ଲୁହାଛଡଟି ଛାତିରେ ଗଳିଯାଇଥିଲେ ବି ରକ୍ତ ବାହାରି ନଥିଲା । ନାବାଳକର ଚିତ୍କାର ଶୁଣି ଘର ଲୋକେ ଧାଇଁ ଆସିଥିଲେ । ସାଙ୍ଗେସାଙ୍ଗେ ତାଙ୍କୁ କେନ୍ଦୁଝର ମେଡିକାଲ ନିଆଯାଇଥିଲା । ପରେ ତାଙ୍କୁ କଟକ ବଡ ମେଡିକାଲ ନେବାକୁ ଡାକ୍ତର ପରାମର୍ଶ ଦେଇଥିଲେ । ଏହା ପରେ ନାବାଳକଙ୍କୁ କଟକ ବଡ ମେଡିକାଲରେ ଭର୍ତ୍ତି କରାଯାଇଛି ।