ଇତିହାସରେ ପ୍ରଥମ ବିନା ଛାତ୍ରଛାତ୍ରୀରେ ସରସ୍ବତୀ ପୂଜା
ଜୟପୁର: କୋଭିଡ୍ ସଂକ୍ରମଣର ଭୟ ଏବେ ବି ଲାଗି ରହିଛି। ଗୋଟିଏ ସ୍ଥାନରେ ଅଧିକା ସଂଖ୍ୟକ ଲୋକେ ଜମା ହେବା ଉପରେ ସରକାର ସ୍ବତନ୍ତ୍ର ତଥା ସତର୍କତାମୂଳକ ପଦକ୍ଷେପ ନେଉଛନ୍ତି।
Sambad is now on WhatsApp
Join and get latest news updates delivered to you via WhatsApp
ଆଜି ଏହି କ୍ରମରେ ଇତିହାସରେ ପ୍ରଥମ ଘଟଣା ଘଟିଯାଇଛି। ଯେଉଁମାନଙ୍କ ପାଇଁ ଓ ଯେଉଁମାନଙ୍କ ଦ୍ବାରା ହେଉଥିବା ମା’ବୀଣାପାଣି ସରସ୍ବତୀଙ୍କ ପୂଜାରେ ଛାତ୍ରଛାତ୍ରୀଙ୍କର ଦେଖା ମିଳି ନଥିଲା। ସରକାରୀ ଓ ବେସରକାରୀ ଶିକ୍ଷା ଅନୁଷ୍ଠାନଗୁଡ଼ିକରେ କେବଳ ଶିକ୍ଷକମାନେ ଅଂଶ ଗ୍ରହଣ କରି ପୂଜା କରିଥିବା ଦେଖିବାକୁ ମିଳିଥିଲା।
କିଛି ସରକାରୀ ଓ ବେସରକାରୀ ଅନୁଷ୍ଠାନରେ କିଛି ମାତ୍ରାରେ ଆଜି ପୂଜା କରୁଥିବା ଦେଖିବାକୁ ମିଳିଥିଲା। ସବୁ ସାମାନ୍ୟ ସ୍ବାଭାବିକ ହୋଇଥିବାରୁ ମୂର୍ତ୍ତିକାରମାନେ ଅଧିକା ସଂଖ୍ୟାରେ ମୂର୍ତ୍ତି ନିର୍ମାଣ କରିଥିଲେ । ତେବେ ଅଧିକା ବିକ୍ରୀ ହୋଇ ନଥିବାରୁ ଏଥରକ କ୍ଷତି ସହିବାକୁ ପଢ଼ିଛି। ତେବେ ଛାତ୍ରଛାତ୍ରୀମାନେ ନୂଆ ପୋଷାକ ପିନ୍ଧି ସହରରେ ବୁଲାବୁଲି କରୁଥିବା ଦେଖିବାକୁ ମିଳିଥିଲା।